عمرڪوٽ (رپورٽ:ڪانجي مل رکيسر) عمرڪوٽ ۾ ماتا راڻي ڀٽياڻي جو 337ھين جنم ڏينهن وڏي احترام ۽ عقيدت سان ملهايو ويو، جنھن جي تقريب شيوا منڊلي پاران ماتا راڻي ٿان عمرڪوٽ ۾ منعقد ڪئي وئي، جنھن ۾ شهر جي مختلف علائقن مان ڀڳتن وڏي تعداد ۾ شرڪت ڪئي، پروگرام جي شروعات مندر ۾ خاص پوجا ۽ آرتي سان ڪئي وئي، جنھن کان پوءِ مذهبي رسمن کي ادا ڪيو ويو، هن موقعي تي ماتا راڻي ڀٽياڻي جي ٿان کي گلن سان سينگاريو ويو ۽ ڏيئو ٻاريا ويا، جڏھن تہ ڀڳتن پاران مذهبي گيت ۽ ڀجن پڻ پيش ڪيا ويا، ان موقعي تي پروگرام ۾ خاص مهمان طور ماتا راڻي ڀٽياڻي جي ٿان جي گادي نشين راڻو مل درزي، ڪلال پنچائت جي صدر رميش ڪمار ڪلال، او پي ايس مالھي، ڪانتي لال سميت مقامي سماجي شخصيتون، ھندو ڌرم جي اڳواڻن ۽ ٻين شرڪت ڪئي، ان موقعي تي پروگرام کي خطاب ڪندي مقررن چيو ته ماتا راڻي ڀٽياڻي جي تعليمات ۽ پيغام امن، ڀائيچاري ۽ ڀلائي جو درس ڏين ٿا، جن تي عمل ڪرڻ اسان سڀني جي ذميواري آھي.
0 تبصرے