عمرڪوٽ ۾ گھر تي مبينه حملي ۽ قبضي ڪيس جي جوابدارن جي ضمانت رد، متاثرن جو احتجاج

عدالت روشن راهمون ۽ مولا بخش جي ضمانت رد ڪري ڇڏي، جوابدار عدالت مان فرار

عمرڪوٽ(رپورٽ:ڪانجي مل رکيسر) عمرڪوٽ گھر تي مبينه حملي ۽ قبضي واري ڪيس ۾ عمرڪوٽ جي عدالت نامزد ڄاڻايل جوابدارن جي ضمانت رد ڪري ڇڏي، جوابدار فرار، متاثرن جو احتجاجي مظاھرو، اعلي اختيارين کي نوٽيس وٺي انصاف ڏيارڻ جو مطالبو خبر موجب عمرڪوٽ شھر جي رحيم ڪالوني ۾ 19 ڏينھن اڳ ۾ مرحوم تپيدار چنيسر راھمون جي نياڻي خديجه راھمون ۽ سندن بيواھ امڙ مقيمان تي مبينه حملو ڪري تذليل ڪرڻ ۽ گھران ڪڍڻ واري ڪيس ۾ نامزد ڄاڻايل روشن راھمون ۽ مولا بخش جي عدالت ضمانت رد ڪري ڇڏي جنھن بعد جوابدار عدالت جي احاطي نڪري ويا ٻئي طرف متاثر ڌر خديجه راهمون سندس والده مقيمان سان گڏجي سياسي سماجي حلقن پريس ڪلب عمرڪوٽ آڏو احتجاجي مظاھرو ڪري جوابدارن جي گرفتاري جو مطالبو ڪيو بعد ۾ مقيمان ۽ سندس ڌي خديجه راھمون پريس ڪلب عمرڪوٽ ۾ پريس ڪانفرنس ڪندي سخت احتجاج ڪيو ۽ الزام هنيو ته جوابدار ضمانت رد ٿيڻ باوجود پوليس جي آڏو ڪورٽ مان آساني سان نڪري ويا ھنن چيو ته پوليس جوابدارن کي گرفتار ڪرڻ لاء قدم کڻن لاء تيار ناھي جلد جوابدار گرفتار نه ٿيا ته پريس ڪلب آڏو ڌرڻو ھنيو ويندو متاثرن اعلي اختيارين کان مامري جو نوٽيس وٺي جوابدارن کي گرفتار ڪري انصاف ڏيارڻ جي گھر ڪئي آھي