ملير پوليس پاران اي ايس آءِ محمد ابڙو جي قتل جو مرڪزي جوابدار گرفتار

گرفتار جوابدار جي سڃاڻپ غلام قادر لاشاري طور ٿي آهي: ايس ايس پي عبدالخالق پيرزادو

ملير (رپورٽ: عبدالرشيد مورجھريو) ايس ايس پي ملير عبدالخالق پيرزادو پريس ڪانفرنس ڪندي ضلعي پوليس جي وڏي ڪاميابي جو اعلان ڪيو آهي. ايس ايس پي ملير جو چوڻ هو ته بن قاسم جي حد ۾ پوليس اهلڪار جي قتل ۾ ملوث مرڪزي جوابدار کي گرفتار ڪيو ويو آهي گرفتار جوابدار جي سڃاڻپ غلام قادر لاشاري جي نالي سان ڪئي وئي آهي، جنهن کي پورٽ قاسم جي ويجهو ڪامياب ڪارروائي دوران گرفتار ڪيو ويو۔ پوليس ٻڌايو ته جوابدار جاچ دوران پنهنجي ساٿين سان گڏجي منصوبه بندي ڪرڻ جو اعتراف ڪيو آهي ياد رهي ته پوليس اهلڪار اي ايس آءِ خان محمد ابڙو ٿاڻي اسٽيل ٽائون ۾ مقرر هو، جيڪو فائرنگ جي واقعي ۾ شهيد ٿي ويو هو۔ هن واقعي جو ايف آءِ آر نمبر 2025/340 ٿاڻي بن قاسم تي داخل ڪيو ويو، جنهن ۾ دفعات 34، 302 ۽ 7 ATA شامل ڪيا ويا آهن ايس ايس پي ملير موجب جوابدار جا ٻيا مفرور ساٿي گرفتار ڪرڻ لاءِ ڇاپن جو سلسلو جاري آهي ۽ جلد وڌيڪ ڪاميابيون حاصل ڪيون وينديون۔