نئون ديرو ويجهو آگاڻي برادري جي ٻن ڌرين ۾ هلندڙ تڪرار تان هڪ ڄڻو قتل

نئون ديرو(رپورٽر) آگاڻي برادري جي ٻن ڌرين ۾ هلندڙ تڪرار تان هڪ ڄڻو قتل، نئون ديرو ڀرسان ڪيٽي ممتاز ٿاڻي جي حد ۾ آگاڻي برادري جي ٻن ڌرين ۾ پراڻو تڪرار ڀڙڪي پيو، هٿياربندن جي فائرنگ ۾ ڳوٺ واحد بخش آگاڻي واسي علي حسن آگاڻي مارجي ويو سندس پٽ محمد حسن گولي لڳڻ ڪري زخمي ٿي پيو، اطلاع تي پوليس پهچي زخمي ۽ لاش کي کڻائي نئون ديرو اسپتال پهچايو جتي مقتول جو پوسٽ مارٽم جاري هو ۽ زخميءَ کي لاڙڪاڻي اسپتال منتقل ڪيو ويو، افضل آگاڻي موجب والد صبح جيئن گهر کان ٻاهر درياءَ تي وڃڻ لاءِ نڪتو ته هٿياربند جوابدارن وهاب، واجد، وسيم، شبير، فدا حسين ۽ ٻين حملو ڪري والد کي قتل ڪيو - فائرنگ جي آواز تي ڀاءُ محمد حسن جيئن گهر کان ٻاهر نڪتو ته هنن فائرنگ ڪري ان کي به زخمي ڪري ڇڏيو آهي – پوليس موجب واقعو آگاڻي برادري جي ٻن ڌرين ۾ پراڻي خوني تڪرار تان پيش آيو آهي جنهن بابت وڌيڪ جاچ ڪئي پئي وڃي -