عمرڪوٽ ۾ حادثي دوران زخمي ٿيل ٽريفڪ پوليس جو اي ايس آءِ دم ڏئي ڇڏيو

16 views | 28th Sep 2025 • سنڌي خبرون

اي ايس آءِ اسلم خاصخيلي، ڏهه ڏينهن اڳ ڊيوٽي تان گهر ويندي موٽرسائيڪل تان ڪِري زخمي ٿي پيو هو

عمرڪوٽ ۾ حادثي دوران زخمي ٿيل ٽريفڪ پوليس جو اي ايس آءِ دم ڏئي ڇڏيو

عمرڪوٽ (ڊ ، ر) عمرڪوٽ جي ٽريفڪ پوليس ۾ مقرر اي ايس آءِ اسلم خاصخيلي، جيڪو ڏهه ڏينهن اڳ ڊيوٽي تان گهر ويندي موٽرسائيڪل تان ڪري سخت زخمي ٿي پيو هو، اڄ ڪراچي ٽراما سينٽر ۾ زخمن جا سور نه سهندي دم ڏنو، تفصيل موجب اي ايس آءِ اسلم خاصخيلي کي حادثي کان پوءِ فوري طور ڪراچي منتقل ڪيو ويو هو، جتي هو گذريل ڏهه ڏينهن کان علاج هيٺ رهيو، پر زندگي جي جنگ هارائي ويو، مرحوم گهڻي وقت تائين عمرڪوٽ ٽريفڪ پوليس ۾ فرضن انجام ڏيندو رهيو، سندس مڙه ڪراچي کان عمرڪوٽ آندو پيو وڃي، جتي جنازي نماز پوليس لائين ۾ ادا ڪئي ويو