ملير؛ ميمڻ ڳوٺ ۾ تيز رفتار ڊمپر جي. موٽرسائيڪل کي ٽڪر، نوجوان فوت، هڪ ڄڻو سخت زخمي

سياسي سماجي تنظيمن جو احتجاج، ايم اين اي عبدالحڪيم بلوچ پهچي ويو

ملير (رپورٽ: عبدالرشيد مورجھريو) ميمڻ ڳوٺ ٿاڻي جي حد درمحمد ڳوٺ ڀرسان تيز رفتار ڊمپر موٽرسائيڪل سوار ٻن نوجوانن کي لتاڙي ڇڏيو جنهن جي نتيجي ۾ 22 ورهين جو شاهنواز ولد گلاب بلوچ موقعي تي فوت ٿي ويو، جڏهن ته 28 ورهين جو شاهنواز ولد مولا بخش سخت زخمي ٿي پيو۔ٻنهي کي فوري طور جناح اسپتال منتقل ڪيو ويو، جتي زخمي کي علاج هيٺ رکيو ويو آهي علائقي واسين موجب ڊمپر تيز رفتاري سبب ڪنٽرول وڃائي ويٺو۽موٽرسائيڪل سوارن سان ٽڪرائجي ويو حادثي بعد علائقي واسين وڏي انگ ۾ گڏ ٿي ويا جن روڊ بند ڪري ٽريفڪ معطل ڪري ڇڏي پوليس موجب ڊمپر کي تحويل ۾ وٺي ڊرائيور کي گرفتار ڪيو ويو آهي ابتدائي جاچ مطابق حادثو تيز رفتاري سبب پيش آيو حادثي ۾ نوجوان جي فوت ٿيڻ بعد علائقي ۾ سخت غم ۽ ڪاورن جي لهر پکڙجي وئي هوڏانهن احتجاج ۾ قومي اسيمبليءَ جي ميمبر عبدالحڪيم بلوچ به شرڪت ڪئي ۽ ميڊيا سان ڳالهائيندي چيو ته افسوس سان چوڻو ٿو پوي ته هيوي ٽريفڪ انساني زندگيون کسي رهي آهي، باوجود ان جي ته پابندي مڙهيل آهي، ريتي، بجري ۽ پاڻي جي غيرقانوني ڦرلٽ جاري آهي ايم اين اي عبدالحڪيم بلوچ چيو ته هڪ نوجوان جي زندگي ضايع ٿيڻ تي انتهائي افسوس آهي، اسان چونڊيل نمائندا به انتظاميا اڳيان بيوس آهيون۔ هن مطالبو ڪيو ته هيوي ٽريفڪ تي فوري پابندي لڳائي وڃي ۽ ڊسٽرڪٽ انتظاميا واقعي جو نوٽيس وٺي سخت ڪارروائي ڪري علائقي واسين جو چوڻ آهي ته جيڪڏهن هيوي ٽريفڪ تي پابندي لاڳو نه ڪئي وئي ته احتجاج جو سلسلو وڌايو ويندو۔