پ پ اڳواڻ راول شرجيل ميمڻ پي ايس 61 ۾ ترقياتي منصوبن جو افتتاح ڪري ڇڏيو

حيدرآباد (بيورو) پاڪستان پيپلزپارٽي جي نوجوان اڳواڻ راول شرجيل پاران سينيئر صوبائي وزير شرجيل انعام ميمڻ پاران پي ايس 61 ۾ ڏنل ترقياتي منصوبن جو افتتاح ڪري ڇڏيو، راول شرجيل ميمڻ پاران اسسٽنٽ ڪمشنر حيدرآباد ٻهراڙي جو افتتاح ڪندي ميڊيا سان ڳالهائيندي چيو ته آهي ته تعلقي ٻهراڙي جي عوام کي مشڪلاتن کي نظر ۾ رکندي اسسٽنٽ ڪمشنر جي آفيس عوام لاءِ هتي قائم ڪئي آهي، گذريل هفتي به ترقياتي منصوبن جي سلسلي ۾ ڏھ لک پيور بلاڪ تي مشتمل اسڪيمن جو ڪم شروع ڪيو آهي، هن چيو اسان گذريل ڏينھن ٽائون ٽنڊو فصل جي مختلف ڳوٺن ۾ نئي تعمير ٿيل ڪارپيٽ روڊ جو افتتاح ڪيو آهي، جنهن ۾ ڳوٺ دائم زنئور، ڳوٺ رسول بخش ٽالپر، ڳوٺ بچو لاشاري، ڳوٺ ايوب خان لاشاري، ڳوٺ سونو خان لاشاري، ڳوٺ صاليح بڙدي، ڳوٺ، جمو خُنجيجو ۾ نئي ڪارپيٽ روڊ جا افتتاح ڪيا آهن، هن چيو ته پاڪستان پيپلزپارٽي جي دور حڪومت ۾ حيدرآباد جي عوام کي هر منصوبي ڏنو آهي، هن چيو اسان پاڪستان پيپلزپارٽي جي قيادت جا شڪر گذار آهيون، هن چيو ته اسان پي ايس 61 ۾ هڪ نئو پراجيڪٽ شروع ڪري رهيا آهيون، جنهن ۾ اسان ٽنڊو ڄام، سيري، ٽنڊو حيدر کي ماڊل ٽائون ٺاهي رهيا آهيون، هن چيو ته اسان اڳ به بائول زنئور کي ماڊل ٽائون ٺاهيو آهي، ٽنڊو فضل جي مختلف علائقن ۾ تعميراتي ڪمن جي افتتاحي تقريب دوران پاڪستان پيپلزپارٽي جي ڪارڪنن وڏي انگ ۾ راول شرجيل ميمڻ جي آجيان ڪئي،