سنڌي ادبي سنگت شاخ ملير جي ھفتيوار دستوري گڏجاڻي امداد لاشاريءَ جي صدارت ھيٺ ٿي گذري

ملير (رپورٽ: عبدالرشيد مورجھريو) سنڌي ادبي سنگت شاخ ملير جي ھفتيوار دستوري گڏجاڻي نئين ٽهيءَ جي خوبصورت شاعر امداد لاشاريءَ جي صدارت ھيٽ عوامي پريس ڪلب ملير رزاق آباد ۾ ٿي گذري، جنھن ۾ سيد غفور شاھ تقوي، وحيد سيال، سامي ميمڻ، سڪندر سرواڻ سومرو، مجيب سنڌي قمبر ٻٽ، راڳي عبدالخالق ڀٽي ڊاڪٽر علي اصغر ۽ اصغر مھرائي شرڪت ڪئي، گڏجاڻيءَ جي ڪاروائي شاخ جي سيڪري ٽري اصغر مھرائي ھلائي، صدارتي راءِ ڏيندي امداد لاشاريءَ چيو تہ سنگت ملير جو ڪاروان جيئن جو تيئن ھلي رھيو آھي ڪنھن جي ڇڏڻ سان ڪو فرق نٿو پوي اڄ مون محسوس ڪيو آھي تہ سنگت شاخ ملير م اڃان به اڳتي وڌڻڻ جو جذبو آھي سنگت ملير جون گڏجاڻيون ۽ ايندڙ جو لاءَ عمل ٻڌي دل باغ بھار ٿي وئي آھي، ھن مجيب سنڌيءَ جي وائي تي ڳالھائيندي چيو ته مجيب سنڌي ھڪ بھترين تخليقڪار آھي سندس اڄ جي وائي به شاندار آھي جنھن کان پوء سڪندر سرواڻ جي نظم تي پڻ سنگت ويچار ونڊيا،گڏجاڻي ۾ اربح 25جون 2025 تي رابطا سيڪريٽري راشد لکمير پاران ادبيات اڪيڊمي لياقت لائيبريري ۾ ڪتاب جي مهورتي تقريب لاءِ پروگرام جي تيارين بابت پڻ ويچار ونڊيا ويا.