فاطميد بلڊ بئنڪ سول اسپتال نوشهروفيروز پاران رت جي عطيي جي ڪئمپ لڳائي ويئي

هيپاٽائٽس انچارج ڀريا ڊاڪٽر عاليه جلباڻي پاران هيپاٽائٽس بي ۽ سي جون ٽيسٽون پڻ مفت ڪيو ويون

نوشهروفيروز (ڊر) فاطميد بلڊ بئنڪ سول اسپتال نوشهروفيروز جي پاران کاهي راهو لڳ ڳوٺ حاجي سکيو خان سولنگي ۾ ٿيليسميا ڊائلاسز ۽ ايمرجنسيء ۾ ايندڙ مريضن لاء مفت رت جي عطيي جي ڪئمپ لڳائي ويئي جنهن ۾ ڊونرن رت جو عطيو ڏيئي خوشيء جو اظهار ڪيو جڏهن ته هيپاٽائٽس انچارج ڀريا ڊاڪٽر عاليه جلباڻي پاران هيپاٽائٽس بي ۽ سي جون ٽيسٽون پڻ مفت ڪيو ويون ۽ سائيء کان بچاء جا ٽڪا پڻ لڳايا ويا ان موقعي تي بلڊ بئنڪ جي انچارج غلام اڪبر ناريجو ۽ سماجي اڳواڻ اعجاز ممنائي سينئر صحافي فقير علي نواز سولنگي استاد جي ايم سولنگي ۽ ٻين چيو ته اسان انهن سڀني مهربانن جا شڪرگذار آهيون جن رضاڪارانه طور پنهنجي حال ساريون خدمتون سرانجام ڏيندي غريب مريضن لاء رت جو عطيو ڏنو اڳواڻن چيو ته هن عظيم مقصد لاء جاکوڙيندڙ هر ماڻهوء جو سهڪار گهرجي ڇوته سول اسپتال نوشهروفيروز ۾ هلندڙ بلڊ بئنڪ توهان جي تعاون جي طلبگار آهي جيڪڏهن ائين ئي سلسلو جاري رهيو ته اسانجا ادارا اڃان وڌيڪ مضبوط ٿيندا۔