قومي عوامي تحريڪ پاران سنڌ جي مختلف شهرن ۾ تڪراري ڪئنالن خلاف احتجاجي مظاهرا

تڪراري ڪئنال سنڌين جي موت جو پروانو آهن، ڪئنال ڪنهن به صورت ۾ ٺهڻ نه ڏينداسين: اڳواڻ

شھدادڪوٽ/ ڪراچي(رپورٽرز وٽان)قومي عوامي تحريڪ پاران سنڌ جي مختلف شهرن ۾ سنڌو درياھ مان 6 نوان ڪئنال ڪڍڻ خلاف قومي عوامي تحريڪ جي مرڪزي جنرل سيڪريٽري مظھر، نياز علي عمراڻي، جاويد جمالي، اصغر جمالي ۽ ٻين جي اڳوآڻي جي ۾ شھدادڪوٽ جي مين چوڪ ڪوٽو موٽو چوڪ تہ احتجاجي مظاھرو ڪري ڌرڻو هنيو ويو. ڪراچي جي علائقي ڪورنگي ۾ قومي عوامي تحريڪ جي مرڪزي اڳواڻ منان شيخ، فياض اتيرو، ڪاشف خاصخيلي، حسين سنڌي، پير بخش، اياز گُل ڄامڙو ۽ ٻين جي اڳواڻيءَ ۾ احتجاجي ريلي بلال چورنگي کان مرتضي چوڪ بلال ڪالوني تائين احتجاجي ريلي ڪڍي وئي. ان موقعي تي قومي عوامي تحريڪ جي مرڪزي جنرل سيڪريٽري مظھرراھوجي ريلي کي خطاب ڪندي چيو تہ پاڻي زندگي آهي، 6 نوان ڪئنال ٺھي ويا تہ سنڌ ڀڙڀانگ ويران ٿي ويندي سنڌ جي ماڻھن کي پيئڻ جو پاڻي بہ نہ ملندو. پاڻي جو معاملو رڳو آبادگارن جو ناھي. پاڻي جو معاملو زندگي جو معاملو آھي. ڪشمور کان ڪراچي تائين ڪروڙين ماڻھن، پکين ۽ جانورن کي اڃ مارڻ جي سازش ٿي رھي. سنڌ جا ماڻھو پنھنجو پنهنجي درياھ کي بچائڻ لاءِ جدوجھد جي ميدان تي اچن. سنڌ جي سرسبز آباد لکين ايڪڙ زمين کي بنجر بڻائي پنجاب جي 48 لک ايڪڙ غير آباد زمين آباد ڪرڻ لاءِ سنڌ جي پاڻي تي ڌاڙو ھنيو پيو وڃي. پيپلز پارٽي ۽ زرداري پاڻي تي ڌاڙي ۾ سھولتڪار آھن. قومي عوامي تحريڪ جي مرڪزي اڳواڻ منان شيخ خطاب ڪندي چيو تہ سنڌو درياءَ مان 6 نوان ڪئنال ڪڍي سنڌ کي ھٿ سان تباھ ۽ بنجر ڪرڻ جي سازش آھي، سنڌ اڳ ۾ ئي سوڪھڙي جو شڪار آهي وري مٿان سنڌو درياءَ مان 6 ڪئنال ڪڍڻ سان سنڌ بنجر ۽ تباھ ٿي ويندي. 6 نون ڪئنالن جو منصوبو سنڌ جي پنج ھزار سالا تھذيب تي حملو آھي سنڌ کي بنجر بنائڻ جو منصوبو آھي. سنڌ جي لکين ايڪڙ زمين مختلف ڪمپنين ۽ ادارن کي ڏئي سنڌي ماڻهن کي پنهنجي ڌرتي تان بي دخل ڪرڻ جي سازش ڪئي پئي وڃي. قومي عوامي تحريڪ جي اڳواڻ فياض اتيرو خطاب ڪندي چيو تہ سنڌو ڌريا 7 ڪروڙ سنڌين جو وجود آهي سنڌ جي ڪروڙين ماڻهن جي زندگي جو اهم ترين سرچشمو آهي اهو نہ رڳو زرعي پيداوار لاءِ پاڻي فراهم ڪري ٿو پر اسان جي زندگي جو واحد ذريعو آهي 6 نوان ڪئنال ڪڍي اسان جو وجود ختم ڪيو پيو وڃي سنڌو درياءُ مان 6 نوان ڪئنال ڪڍڻ معني سنڌ جو ساھ ڪڍڻ جي برابر آهي. جيڪڏهن اسان اڄ نہ اٿياسين تہ هميشه لاءِ پنهنجي ڌرتي تان ختم ٿي وينداسين پنجاب سنڌو درياھ مان 6 نوان ڪئنال ڪڍي سنڌو درياھ کي قيد ڪرڻ چاهي ٿو.ريلي ڪاشف خاصخيلي، نيازعلي عمراڻي، جاويد جمالي، حسين سنڌي ۽ ٻين پڻ خطاب ڪيو