ھڪ ڀيرو ٻيھر بجلي اگهن ۾ واڌ عوام سان ظلم آهي: محمد حسين محنتي

ھڪ ڀيرو ٻيھر بجلي اگهن ۾ واڌ عوام سان ظلم آهي: محمد حسين محنتي

ڪراچي (اسٽاف رپورٽر) جماعت اسلامي سنڌ جي امير اڳوڻي ايم اين اي محمد حسين محنتي ھڪ ڀيرو ٻيھر بجلي اگهن ۾ في يونٽ ھڪ رپيا 15 پئسا مھانگي ڪرڻ تي ان کي غريب عوام سان سراسر ظلم قرارڏيندي گهر ڪئي آھي ته حڪومت پنھنجي نا اھلي کي لڪائڻ لاءِ مسلسل بجلي مھانگي ڪرڻ بدران لائن لاسز ڪرپشن چوري کي روڪڻ سان گڏو گڏ پيداوار وڌائڻ لاءِ اثرائتا قدم کڻي.آئين موجب سنڌ کي گيس جو جائز حصوملڻ گهرجي وڏي وزيرجي مطالبي جي حمايت ڪريون ٿا . ھن اڄ ھڪ بيان ۾ چيو ته نيپرا طوفان ھاڻوڪي اضافي سان بجلي واھپيدارن مٿان 22 ارب 30 ڪروڙ جو نئون بار پوندو جڏھن ته سينٽرل پاور پرچيزنگ ايجنسي پڻ 4 رپيا 66 پئسا في يونٽ بجلي مھانگي ڪرڻ جي درخواست ڏئي چڪي آھي جنھن سان بجلي اڃان مھانگي ڪري عوام مٿان بجلي ڪيرائڻ جون سازشون ٿي رھيون آھن ،جنھن سان عوام مٿان 40 ارب رپين جو نئين بار پوندو . سياري جي مند اچڻ باوجود بجلي ،گيس اڳي ئي اڻلڀ آھن مگر مسلسل قيمتن ۾ ڳاٽي ٽوڙ اضافو ڪري عوام جون وايون بتال ڪري ڇڏيون آھن بجلي گيس بحران سان صنعتن کي ناقابل تلافي نقصان پھچي رھيو آھي ۽ مھانگائي گهٽجڻ جو نالو ئي نٿي وٺي ان ڪري بجلي گئس قيمتن ۾ گهٽائي آڻ ئي صنعتن ۽ معيشت کي بھتر ۽ مھانگائي گهٽائي سگهجي ٿو .