ٺٽي ۽ سجاول ضلعي مان نوجوانن کي پاڪ فوج ۾ ڀرتي ڪرڻ جو شيڊيول جاري

پاڪستان آرمي سليڪشن ۽ ڀرتي سينٽر ڪراچي پاران نوجوانن کي پاڪ فوج ۾ ڀرتي ڪرڻ لاءِ شيڊول جاري

ٺٽو( ڊر)پاڪستان آرمي سليڪشن ۽ ڀرتي سينٽر ڪراچي پاران نوجوانن کي پاڪ فوج ۾ ڀرتي ڪرڻ لاءِ شيڊول جاري - پاڪ فوج جي چونڊ ۽ ڀرتي مرڪز ڪراچي جي ميجر ۽ اسسٽنٽ سليڪشن رڪروٽمنٽ آفيسر محمد عارف پاران ٺٽي ۽ سجاول ضلعن جي نوجوانن کي پاڪ فوج ۾ ڀرتي ڪرڻ جو شيڊول جاري ڪيو ويو آهي، جنهن تحت 8 نومبر 2023 تي گورنمينٽ بوائز ڊگري ڪاليج سجاول ۾ بوقت صبح 9 کان 11 وڳي تائين جڏهن ته ميونسپل ڪميٽي ٺٽو ۾ منجهند 11 کان شام 3 وڳي تائين پاڪ فوج ۾ شامل ٿيڻ وارن خواهشمند نوجوانن جو ميڊيڪل چيڪ اپ ۽ لکت وارو امتحان ورتو ويندو. پڌرنامي ۾ واضح ڪيو ويو آهي ته پاڪ فوج ۾ ڀرتي لاءِ خواهش رکندڙ نوجوانن جو قد 5 فٽ 6 انچ ۽ سينو 34 انچ جڏهن ته عمر جي حد 17 سال 4 مهينن کان 22 سال هُجڻ لازمي آهي، گهربل معيار تي پورا لھندڙ نوجوان اصل ڊوميسائل، پي آر سي، (ميٽرڪ، انٽر، بي اي، بي ايس سي) مارڪ شيٽ، پڪا سرٽيفڪيٽ، اسڪول ڇڏڻ جو سرٽيفڪيٽ، پيءُ جو شناختي ڪارڊ ۽ 6 پاسپورٽ سائيز فوٽو ۽ سڀني دستاويزن جون تصديق ٿيل ٻہ ٻہ ڪاپيون صبح 8 وڳي مقرر ڪيل هنڌن تي پاڻ سان گڏ کڻي اچن، وڌيڪ معلومات لاءِ پاڪ فوج جي چونڊ ۽ ڀرتي مرڪز جي نمائندي وريام خان ڪلمتي بلوچ سان موبائيل نمبر 03352313307 ۽ 02132790918 تي رابطو ڪري سگهجي ٿو.