سنڌ هاءِ ڪورٽ پاران 50 هزار کان وڌيڪ روپوش جوابدارن جا سڃاڻپ ڪارڊ، بينڪ اڪائونٽ ۽ پاسپورٽ بلاڪ ڪرڻ جو حڪم

سموري صوبي ۾ 50 هزار 58 جوابدار روپوش آهن، رڳو لاڙڪاڻي ڊويزن ۾ روپوش جوابدارن جو انگ 23 هزار کان وڌيڪ آهي؛آءِ جي سنڌ

ڪراچي: سنڌ هاءِ ڪورٽ 50 هزار کان وڌيڪ روپوش جوابدارن جا سڃاڻپ ڪارڊ، بينڪ اڪائونٽ ۽ پاسپورٽ بلاڪ ڪرڻ جو حڪم ڏئي ڇڏيو، بلديا سانحي ڪيس جي ٻڌڻي دوران آءِ جي سنڌ پنهنجي رپورٽ ۾ انڪشاف ڪيو ته سموري صوبي ۾ 50 هزار 58 جوابدار روپوش آهن، رڳو لاڙڪاڻي ڊويزن ۾ روپوش جوابدارن جو انگ 23 هزار کان وڌيڪ آهي، عدالت پاران اڌ لک کان وڌيڪ جوابدار روپوش هجڻ تي حيرت جو اظهار، جسٽس ڪي ڪي آغا رمارڪس ۾ چيو ته روپوش جوابدارن کي گرفتار نه ڪرڻ بعد سنگين ڏوهه آهي، هن وقت صوبي ۾ ڪا سياسي حڪومت به نه آهي، ڪو اڳوڻو ايم اين اي يا ايم پي اي گرفتاري ۾ مداخلت نه ڪندو، رڳو لاڙڪاڻي ڊويزن ۾ 23 هزا جوابدار روپوش آهن، ڊي آءِ جي لاڙڪاڻو ڇا پيو ڪري؟ عدالت جو آءِ جي سنڌ کان پڇاڻو، آءِ جي سنڌ جواب ۾ چيو ته مون 40 ڏينهن اڳ چارج ورتي آهي، ڊي آءِ جي لاڙڪاڻو به تازو مقرر ٿيو آهي، جسٽس ڪي ڪي آغا چيو ته روپوش جوابدارن کي گرفتار ڪرڻ توهان جي ذميواري آهي، اسان ڪنهن ٻئي آءِ جي جو انتظار نه ڪنداسين، آءِ جي سنڌ رفعت مختار چيو ته روپوش جوابدارن جي گرفتاري لاءِ هر ممڪن ڪوشش ڪنداسين، عدالت پاران سمورن رپوش جوابدارن جا سڃاڻپ ڪارڊ، بينڪ اڪائونٽ ۽ پاسپورٽ بلاڪ ڪرڻ جو حڪم، چيئرمين نادرا، گهرو وزارت، پرڏيهي آفيس ۽ اسٽيٽ بينڪ کان 23 آڪٽوبر تائين رپورٽ طلب.....