اسٽيل ٽائون پوليس جي ڪارروائي، 2 جوابدار گرفتار ڪرڻ جي دعويٰ

ملير (رپورٽ: عبدالرشيد مورجھريو)ٿاڻو اسٽيل ٽائون پوليس موٽر سائيڪل چوري ۾ ملوث هڪ ٽولي خلاف ڪامياب ڪارروائي ڪندي ٻن جوابدارن کي گرفتار ڪري ورتوجڏهن ته سندن ٻه ساٿي فرار ٿيڻ ۾ ڪامياب ٿي ويا پوليس موجب گرفتار جوابدارن جي سڃاڻپ غلام عباس ولد غلام شبير ۽ آڪاش ولد غلام شبير طور ٿي آهي، جن جي قبضي مان ٻه مڪمل مسروقہ موٽر سائيڪلون ۽ هڪ موٽر سائيڪل جا کولي ڇڏيل پارٽس هٿ ڪيا ويا آهن. ابتدائي جاچ دوران جوابدارن انڪشاف ڪيو ته هو گلشن حديد جي بازارن، مسجدن ۽ ٻين هنڌن تان موٽر سائيڪلون چوري ڪندا هئا هٿ آيل موٽر سائيڪلن مان هڪ هونڊا موٽر سائيڪل ڪورنگي انڊسٽريل ايريا ٿاڻي جي حدن مان چوري ٿيل هئي، جڏهن ته سپر پاور موٽر سائيڪل اسٽيل ٽائون ٿاڻي جي حدن مان چوري ٿيل نڪتي. ان کانسواءِ موٽر سائيڪل نمبر KPI-1168 جا کولي ڇڏيل پارٽس پڻ هٿ ڪيا ويا پوليس موجب جوابدارن خلاف ڪورنگي انڊسٽريل ايريا ۽ اسٽيل ٽائون ٿاڻن تي اڳ ۾ ئي ڪيس داخل آهن، جڏهن ته سندن خلاف وڌيڪ قانوني ڪارروائي پڻ شروع ڪئي وئي آهي. جاچ دوران جوابدارن جو پراڻو ڏوهاري رڪارڊ به سامهون آيو، جنهن موجب سندن خلاف شاهه لطيف، سُکڻ، اسٽيل ٽائون ۽ لانڍي ٿاڻن تي موٽر سائيڪل چوري، ڦر ۽ هٿيارن جي قانون تحت ڪيترائي ڪيس داخل ٿيل آهن. پوليس اختيارين جو چوڻ آهي ته جوابدارن جي سي سي ٽي وي فوٽيج پڻ موجود آهي، جڏهن ته فرار ٿيل جوابدارن اعظم ولد غلام اڪبر ۽ مجيب ولد نامعلوم جي گرفتاري لاءِ ڇاپا هنيا پيا وڃن. گرفتار جوابدارن کي وڌيڪ جاچ لاءِ اي وي ايل سي پوليس حوالي ڪيو ويو آهي.