دريا خان مري واسي نوجوان جو گهرواري سميت سندس وارثن خلاف احتجاج

ڀاءُ سليم ملڪ 8 مهينا اڳ فوت ٿي ويو، سندس بيواهه سونيا سان نڪاح ڪيو آهي: علي شان ملڪ

نوشھرو فيروز (ڊ ر)دريا خان مري جي رهواسي علي شان ملڪ پنهنجي زال سونيا ملڪ سان گڏ پريس ڪلب نوشھرو فيروز ۾ پريس ڪانفرنس ۽ احتجاج ڪندي چيو ته سندس ڀاءُ سليم ملڪ جي شادي سونيا ملڪ سان ٿيل هئي جيڪو اٺ مهينا اڳ فوت ٿي ويو هو، جنهن کي سونيا ملڪ مان ٽي پٽ ۽ هڪ نياڻي اولاد آهي ۔ جڏهن ته منهنجي ڀاء جي فوتگي کانپوء مون پنهنجي جي بيواه سونيا ملڪ سان شريعت محمدي موجب نڪاح ڪيو آهي، جنهن کانپوء سندس والد عبدالغفار ملڪ، ڀائر نديم، عدنان، عمران ۽ انتظار ملڪ کين جان کان مارڻ جون ڌمڪيون ڏئي رهيا آهن۔ ان موقعي تي سونيا ملڪ صحافين آڏو احتجاج ڪندي چيو ته کين مختلف نمبرن تان فون ڪري ڌمڪيون ڏنيون پيون وڃن۔ هن چيو ته هنن شريعت مطابق شادي ڪئي آهي، تنهنڪري کين ڌمڪيون ڏيندڙن خلاف ڪارروائي ڪري کين جيئڻ جو حق ڏنو وڃي۔هنن وزيراعليٰ سنڌ ۽ ٻين اعليٰ اختيارين کان تحفظ فراهم ڪرڻ جو مطالبو ڪيو آهي۔