نوشهروفيروز ۾ رهواسين جو پوليس جي مبينا چڙهائي ۽ تشدد خلاف احتجاج

نوشھروفيروز (ڊ ر)امام بارگاھ سيد جاني جي گدي نشين ڪڪا شاھ محلي جي رهواسين سيد نديم شاھ ۽ سيد تنوير شاھ پاران پريس ڪلب نوشھرو فيروز آڏو احتجاجي مظاهرو ڪيو ويو۔مظاهرين الزام هڻندي چيو ته گذريل رات پوليس جي اي ايس آءِ سيد اڪرام شاھ، يوسف شاھ، سجاد شاھ ۽ ظاھر شاھ مٿن حملو ڪيو ۽ گهرن ۾ گهڙي ٻارن ۽ وڏڙن تي تشدد ڪيو۔ هنن ٻڌايو ته واقعي جي اين سي سٽي ٿاڻي تي داخل ڪرائي وئي آهي، پر پوليس جوابدارن کي گرفتار نه ٿي ڪري۔ هنن وڌيڪ چيو ته جوابدار کين جان کان مارڻ جون ڌمڪيون ڏئي رهيا آهن۔ مظاهرين جو چوڻ هو ته ڄاڻايل ماڻهو سرڪاري ۽ غير سرڪاري ملڪيتن تي قبضا ڪرڻ ۽ منشيات فروشي جهڙن ڌنڌن ۾ ملوث آهن۔ احتجاج ڪندڙن وزيراعليٰ سنڌ، وزير داخلا سنڌ، آءِ جي پوليس ۽ ٻين اعليٰ اختيارين کان مطالبو ڪيو ته کين پوليس اهلڪارن ۽ سندن مائٽن جي مبينا ظلمن کان تحفظ فراهم ڪيو وڃي، ٻي صورت ۾ احتجاج جو دائرو وڌايو ويندو۔