عمرڪوٽ ڀرسان 7 مهينا اڳ پرڻيل ناري جو گهر مان لاش هٿ، وارثن پاران ساهرن تي قتل جا الزام

عمرڪوٽ(رپورٽ:ڪانجي مل رکيسر) عمرڪوٽ جي علائقي ڳوٺ وهرو شريف ۾ افسوسناڪ ۽ ڳجهارت بڻيل واقعو پيش آيو آهي، جتي ست مهينا اڳ شادي ڪري آيل سنڪوتلا زال لڇمڻ ميگھواڙ جو لاش گهر مان هٿ آيو آهي، واقعي بعد علائقي ۾ سوڳ واري فضا ڇانئجي وئي آهي، جڏهن ته معاملو ٻن مختلف دعوائن سبب وڌيڪَ ڳنڀير ٿي ويو آهي، سهرن پاران موقف اختيار ڪيو ويو آهي ته سنڪوتلا مبينا طور خودڪشي ڪئي آهي، جڏهن ته مقتولا جي مائٽن خدشو ظاهر ڪندي الزام لڳايو آهي ته سنڪوتلا کي مبينا طور قتل ڪري پوءِ معاملي کي خودڪشي جو رنگ ڏنو ويو آهي، مقتولا جي وارثن جو چوڻ آهي ته واقعي جي شفاف ۽ غيرجانبدار جاچ ٿيڻ گهرجي ته جيئن اصل حقيقت سامهون اچي سگهي ۽ ڪنهن به ڌر سان ناانصافي نه ٿئي، عوامي ۽ سماجي حلقن پڻ مطالبو ڪيو آهي ته ايس ايس پي عمرڪوٽ معاملي جو نوٽيس وٺي اعليٰ سطحي جاچ ڪرائي، جيئن واقعي جا اصل سبب سامهون اچي سگهن ۽ ظاهر ڪيو پيو وڃي، جڏهن ته پوسٽ مارٽم ڪندڙ ليڊي ڊاڪٽر ٻڌايو ته جسم ته تشدد وغيره جا نشان موجود نه آھن جڏھن ڪيمڪل لاء جزا پڻ ورتا ويا آھن ٻئي طرف عمرڪوٽ پوليس جانچ آفيسر رابطو ڪرڻ ته ٻڌايو ته سنڪوتلا خودڪشي ڪئي آھي ء اسان اتفاقي موت جي رپورٽ پڻ داخل ڪري ڇڏي آھي