ملير: ڄام ڪنڊو ڳوٺ ۾ پراسرار نموني فوت ٿيل عورت واري معاملي ۾ نئون رخ

سيما جي وارثن پاران سندس مڙس اسهاق تي کيس تشدد ڪري قتل ڪرڻ جو الزام هنيو ويو

ملير(رپورٽ: عبدالرشيد مورجھريو) ڄام ڪنڊو ڳوٺ ۾ گھر جي ڇت ڪرڻ سبب عورت جي فوت ٿيڻ واري واقعي نئون رخ اختيار ڪري ورتو آهي، جڏهن ته فوتي عورت جي وارثن مڙس تي قتل جو الزام لڳائيندي فوتي عورت سيما زال اسحاق جي ڀاءُ شھزاد چيو آهي ته سندس ڀيڻ کي رات جو تقريباً 11 وڳي مڙس پاران تشدد ڪري قتل ڪيو ويو، جنهن بعد صبح جو ڇت ڪرڻ جو ڊرامو رچايو ويو ته جيئن واقعي کي حادثو ظاهر ڪري سگهجي.شھزاد موجب سندس ڀيڻ سيما سان مڙس اسحاق گهڻو وقت کان ظلم ۽ تشدد ڪندو رهيو ۽ کيس قتل ڪرڻ جون ڌمڪيون به ڏيندو رهندو هو. هن وڌيڪ چيو ته سيما کي سندس گهر مان ٻارن کان الڳ وٺي وڃي ٻئي هنڌ قتل ڪيو ويو.وارثن ٻڌايو ته سيما گهران نڪري اسحاق سان پسند جي شادي ڪئي هئي، جن مان کين ٽي نياڻيون ۽ هڪ پٽ اولاد آهي.متاثر خاندان جاويد عالم اوڍو، ڊي آءِ جي ايسٽ ۽ ايس ايس پي ملير کان مطالبو ڪيو آهي ته واقعي جي صاف شفاف انڪوائري ڪرائي وڃي ۽ فوتي عورت جي خون سان انصاف ڪيو وڃي.هوڏانهن پوليس واقعي بابت وڌيڪ جاچ شروع ڪري ڇڏي آهي، جڏهن ته اصل حقيقت معلوم ڪرڻ لاءِ مختلف پاسن کان جاچ جاري آهي۔