عمرڪوٽ: کاروڙو واري علائقي ۾ ناري سان مبينا زيادتي واري واقعي جو ڪيس داخل

ڪمال الدين ھڱورجو جي فرياد تي اشوڪ اوڏ، راجيش اوڏ، ڀورو اوڏ ۽ امولک اوڏ خلاف ڪيس داخل

عمرڪوٽ ( ڊ ، ر ) عمرڪوٽ جي علائقي کاروڙو چارڻ ۾ ڇوڪري سان مبينه زيادتي جي واقعي تي ايف آئي آر داخل ڪئي وئي آهي، متاثرہ ڇوڪري سونيا عرف ببلي اوڏ جي ڪيس ۾ پوليس ڪاروائي ڪندي وومين ٿاڻي تي چار نامزد جوابدارن خلاف ڪيس داخل ڪيو آهي، مدعي ڪمال الدين جي درخواست تي داخل ڪيل ڪيس ۾ اشوڪ اوڏ، راجيش اوڏ، ڀورو اوڏ ۽ امولک اوڏ کي نامزد ڪيو ويو آهي، پوليس موجب واقعي جي هر رخ کان جاچ شروع ڪئي وئي آهي، ٻئي طرف سول اسپتال عمرڪوٽ جي ابتدائي ميڊيڪل رپورٽن ۾ تضاد سامهون آيو آهي، جتي هڪ رپورٽ ۾ نتيجا مثبت قرار ڏنا ويا آهن جڏهن ته ٻي رپورٽ ۾ مختلف راءِ ڏني وئي آهي، هن تضاد سبب ڪيس وڌيڪَ پيچيده ٿي ويو آهي، نجي سينٽر جي ميڊيڪل رپورٽ ۾ مبينا زيادتي جي تصديق نه ٿي سگهي آهي، جنهن بعد ميڊيڪل شاهديون سوال هيٺ اچي ويون آهن، پوليس اختيارين جو چوڻ آهي ته معاملي جي مڪمل ۽ غير جانبدار جاچ جاري آهي ۽ سمورن شاهديءَ جو باريڪ بيني سان جائزو ورتو پيو وڃي، متاثرہ ڇوڪري جي گهرڀاتين واقعي تي سخت ڳڻتي ظاهر ڪندي انصاف جي فراهمي جو مطالبو ڪيو آهي، ٻئي طرف عوامي حلقن ۾ به هن واقعي تي ڳڻتي جي لهر پکڙيل آهي