عمرڪوٽ ويجهو دل ڏاريندڙ واقعو 8 ورهين جو معصوم ٻار تلاءَ ۾ ڪري فوت

عمرڪوٽ (رپورٽ:ڪانجي مل رکيسر) راجارستي ڀرسان ڳوٺ لطف الله پلي ۾ هڪ نوشهروفيروز ۾ ملت ٽريڪٽرز پاران جديدافسوسناڪ واقعو پيش آيو، جتي 8 ورهين جو معصوم ٻار نويد پٽ ولي محمد پلي راند ڪندي اوچتو پاڻيءَ جي تلاءَ ۾ ڪري پيو، جنهن سبب هو بيهوش ٿي ويو، واقعي کان پوءِ وارثن ۽ ڳوٺاڻن فوري طور تي ٻار کي کڻي سول اسپتال عمرڪوٽ پهچايو، جتي ڊاڪٽرن پاران هنگامي بنيادن تي طبي امداد فراهم ڪئي وئي، پر ڪوششن باوجود ننڍڙي جي حياتي بچائي نه سگهجي ۽ ڊاڪٽرن سندس فوت ٿيڻ جي تصديق ڪري ڇڏي، ٻئي پاسي جڏهن فوتي جو لاش گهر پهتو ته گهر ۾ قيامت جهڙو منظر هو، روڄ راڙو ۽ ڪهرام مچي ويو، علائقي واسين پڻ ڏک ۽ صدمو ظاهر ڪندي چيو ته هي واقعو سڄي ڳوٺ لاءِ وڏو صدمو آهي، جڏهن ته هر اک آلي ٿي وئي، واضح رهي ته اهڙا واقعا حفاظتي اپائن جي کوٽ سبب پيش اچن ٿا، جنهن ڪري مقامي ماڻهن لاڳاپيل اختيارين کان مطالبو ڪيو آهي ته تلائن ۽ پاڻيءَ وارن هنڌن تي حفاظتي قدم کنيا وڃن ته جيئن مستقبل ۾ اهڙن حادثن کان بچي سگهجي.