مورو ويجھو پسند جو پرڻو ڪندڙ ناري جي مبينا اغوا خلاف احتجاج

مورو(جاني جماڻي) مورو ويجھو ڳوٺ پيارو خان ماڇي مان ڪجھ وقت پھريان پسند جو پرڻو ڪندڙ ناري کي مائٽ زبردستي کڻي ويا. سندس مڙس ۽ سس سھري پاران قتل جو شڪ ظاھر ڪري ڇڏيو. شائلا ڌيءَ عبدالخالق مون مير ماڇي سان ست مھينا اڳ عدالت سڳوريءَ ۾ پسند جي شادي ڪئي ھئي جيڪا حمل سان پڻ آھي ان ۽ معصوم ٻار جي جان کي خطرو آھي. مڙس مير ماڇي ھوڏانھن متاثر گھر ڌڻي غلام سرور ماڇي، مسمات پروين ماڇي ۽ مير ماڇي احتجاج ڪندي مورو پريس ڪلب پھتا جتي ھنن چيو تہ مير ماڇي سان ناري شائلا پسند جي شادي ڪئي آھي جنھن کانپوءِ اسان لاءِ رڻ ٻاريو ويو آھي ۽ ھر ايندڙ ڏينھن گھرن تي چڙھائي ڪئي پئي وڃي. ھنن چيو تہ جوابدار عبدالخالق، امجد علي، ضمير حسين، علي ڏنو، امتياز علي، اشرف علي ۽ ٻين حملو ڪري گھر مان ناري شائلا کي کڻي ويا آھن جيڪي قتل ڪري سگھن ٿا جن خلاف قانوني ڪارروائي ڪري انصاف تحفظ فراهم ڪيو وڃي.