ڊپٽي ڪمشنر ٿرپارڪر عبدالحليم جاگيراڻي جي هدايتن تي 23 مارچ جي حوالي سان ريلي ڪڍي وئي

يومِ پاڪستان اسان جي قومي سڃاڻپ ۽ عظيم قربانين جي علامت آهي، جنهن کي اجاگر ڪرڻ هر شهري جي ذميواري آهي: پرٿوي راج

مٺي (ڊ ر) ڊپٽي ڪمشنر ٿرپارڪر عبدالحليم جاگيراڻي جي هدايتن تي اڄ ڪرارداد پاڪستان جي ڏھاڙي جي حوالي سان قومي هيروز کي خراج عقيدت پيش ڪرڻ لاء ڊي سي آفيس کان ايڊيشنل ڊپٽي ڪمشنر ٽو ٿرپارڪر پرٿوي راج ۽ ڊسٽرڪٽ ھيلٿ آفيسر ڊاڪٽر ليکراج سارنگاڻي جي اڳواڻي ۾ هڪ پروقار ريلي ڪڍي ويئي,ريلي کي خطاب ڪندي مقررين جو چوڻ ھو ته يومِ پاڪستان اسان جي قومي سڃاڻپ ۽ عظيم قربانين جي علامت آهي، جنهن کي اجاگر ڪرڻ هر شهري جي ذميواري آهي. هن چيو ته پاڪستان مثبت سوچ ۽ جدوجهد سان حاصل ٿيو، تنهن ڪري اسان سڀني کي عزم ڪرڻ گهرجي ته پنهنجي ٻارن کي بهتر تعليم، صحت ۽ صفائي جون سهولتون فراهم ڪريون. ريلي کي خطاب ڪندي اي ڊ ي سي پرٿوي راج وڌيڪ چيو ته بهار جي مند جي وڻڪاري مهم شروع ڪئي پئي وڃي جنهن دوران هر هڪ شھري وڌکان وڌ ٻوٽا لڳائي گدلاڻ کان پاڪ ماحول فراهم ڪرڻ ۾ پهنجو جوڳو ڪردار ادا ڪري,سندس چوڻ ھو ته موسمياتي تبديلين کي منهن ڏيڻ لاء ضلعي انتظاميه ٿرپارڪر جي اها ڪوشش آھي وڌ کان وڌ ٻوٽا لڳائي سرسبر ٿر جو خواب ساڀيان ڪري سگهجي ٿو .ان موقعي تي ٻين مقررين پنهنجي خيالن جو اظهار ڪندي چيو ته 23 مارچ اسان جي قومي فخر جو ڏينهن آهي، ۽ اسان کي پاڪ فوج کي خراج تحسين پيش ڪرڻ گهرجي، جنهن ملڪ جي دفاع ۾ اهم ڪردار ادا ڪيو آهي, ريلي ۾ ضلعي جي مختلف کاتن جي آفيسرن، استادن، شاگردن ۽ شهرين جي وڏي انگ شرڪت ڪئي. ان کان اڳ ايس ايس پي آفيس ٿرپارڪر ۾ قومي جهڊو ڦڙڪائڻ جي تقريب منعقد ٿي جنهن ايس ايس پي ٿرپارڪر محمد شعيب ميمڻ ۽ اي ڊي سي ٽو ٿرپارڪر پرٿوي راج قومي پرچم ڪشائي ڪئي ۽ پوليس جي دستي پاران گارڊ آف آنر پڻ پيش ڪيو ويو.