ٺٽو: پيرا ميڊيڪل اسٽاف ايسوسيئيشن يونٽ جھرڪ پاران احتجاج جاري

ٺٽو( شفيق ڀٽي) پيرا ميڊيڪل اسٽاف ايسوسيئيشن يونٽ جھرڪ پاران شروع ڪيل احتجاجي تحريڪ جي ٻئي ڏينهن به صحت کاتي جي ملازمن اسپتال اڳيان لڳايل احتجاجي ڪيمپ ۾ سخت نعريبازي ڪئي نااھل ۽ ڪرپٽ ايم ايس جبار ميمڻ ھٽايو جھرڪ اسپتال بچايو جئي سنڌ محاذ جي اڳواڻ امجد شورو صحت کاتي جي ملازمن سان اظھار يڪجھتي ڪرڻ لاء احتجاجي ڪيمپ تي پھتو ھن چيو ته مرف اين جي او گذريل 18 سالن کان ٺٽي ضلعي جي صحت کاتي ۽ اسپتالن کي اڏھي جيان کائي رھي آھي جيستائين صحت کاتي ۽ اسپتالن جي تباھي جي اصل جڙ مرف مينجر آدم ملڪ کي نه ھٽايو ويندو تيستائين اسپتالن ۾ سڌارو ڪونه ايندو مرف مينجر آدم ملڪ رٽائرڊ سرڪاري ڊاڪٽر کي مقرر ڪري اسپتالن جو ٻيڙو ٻوڙي ڇڏيو آھي نااھل ۽ ڪرپٽ ڊاڪٽر جبار ميمڻ کي مرف مينجر آدم ملڪ جڏھن کان جھرڪ اسپتال جو ايم ايس مقرر ڪيو آھي تڏھن کان جھرڪ اسپتال ۾ عوام لاء ڪابه بنيادي سھوليت ميسر ڪونهي مريض ۽ سندس وارث ته اڳم ئي احتجاج ۽ رڙيون ڪري رھيا ھئا پر ھاڻي مجبور ٿي اسپتال جو پيرا ميڊيڪل اسٽاف به ڪيمپ قائم ڪري روزانو جي بنياد تي نااھل ۽ ڪرپٽ ايم ايس جبار ميمڻ کي ھٽائڻ لاء سراپا احتجاج بنيل آھي ٻئي طرف مرف اين جي او جي مينجر آدم ملڪ ڳالهيون ڪري لاء ڊاڪٽر شھزاد جي اڳواڻي ۾ ھڪ وفد جھرڪ موڪليو جنهن پيرا ميڊيڪل اسٽاف ايسوسيئيشن يونٽ جھرڪ جي اڳواڻن زاھد جھرڪو عبدالحئي سومرو ۽ نظير سومرو سان ڳالهيون ڪيون ته ايم ايس جبار ميمڻ کي ھٽائڻ واري مطالبي تان ھٿ کڻو باقي توھانجي ٻين ڳالهيون ڪريون ٿا پيرا ميڊيڪل اسٽاف ايسوسيئيشن اڳواڻن کين چيو ته نااھل ۽ ڪرپٽ ايم ايس جبار ميمڻ کي ھٽائڻ اسانجو پھريون مطالبو آھي جيستائين انھي مطالبي تي عمل ڪونه ٿيندو تيستائين ٻين مطالبن تي ڳالهيون ڪونه ٿينديون جنهن کانپوء ڊاڪٽر شھزاد جي اڳواڻي ۾ آيل وفد واپس روانو ٿي ويو اڳواڻن چيو ته ايم ايس جبار ميمڻ جي بدلي تائين احتجاجي تحريڪ جاري رھندي.