نوشهروفيروز ۾ وڌندڙ گندگيءَ جي آزار خلاف شهرين جو پريس ڪلب اڳيان احتجاجي مظاهرو

89 views | 27th Feb 2026 • سنڌي خبرون

نوشهروفيروز ۾ وڌندڙ گندگيءَ جي آزار خلاف شهرين جو پريس ڪلب اڳيان احتجاجي مظاهرو

نوشهروفيروز (ڊ ر) نوشهروفيروز ۾ وڌندڙ گندگيءَ جي آزار خلاف شهرين پاران پريس ڪلب اڳيان احتجاجي مظاهرو ڪيو ويو جنهن جي اڳواڻي جميل راڄپر، محمد علي پنهور، غلام رسول ڇڄڙو، ماجد علي شاهه ۽ ٻيا ڪري رهيا هئا جن ڪرپٽ ڪٽوتي چيئرمين ميونسپل ڪميٽي ڊاڪٽر ڪاشف ميمڻ ۽ سي ايم او عبدالفتاح تڳر خلاف سخت نعريبازي ڪئي ان موقعي تي ميڊيا اڳيان دانهيندي شهرين چيو ته ميونيسپل ڪاميٽي جي انتظاميا 6 ڪروڙ روپيا بجيٽ هجڻ جي باوجود شهر توڙي ٻين آسپاس وارن علائقن ۾ صفائي ڪرڻ ۾ مڪمل طور ناڪام ٿي وئي آهي جنهن سبب اڪثر علائقن ۾ گندو پاڻي روڊن رستن گلين ۾ بيهڻ روز جو معمول بڻجي ويو آهي ۽ گندگي جي ڪري شهر ۾ مڇرن ۾ اضافو ٿي ويو آهي هنن چيو ته چيئرمين ميونسپل ڪميٽي ڊاڪٽر ڪاشف ميمڻ ۽ سندس ٽيم جنهن ۾ سي ايم او عبدالفتاح تڳر ، شهر کي صاف ته ڪرڻ ۾ ناڪام آهن پر سرڪار پاران ملندڙ بجيٽ کي بهتر طريقي سان سان صاف ڪري رهيا آهن سندن اهڙي ڪرپشن ۽ رشوت خوري سبب سورنهن ئي وارڊن ۾ گندگي جا ڍير لڳل آهن هنن مطالبو ڪيو ته ڪرپٽ ڪٽوتي چيئرمين ميونسپل ڪميٽي ڊاڪٽر ڪاشف ميمڻ ۽ سي ايم او عبدالفتاح تڳر کي هٽائي شهرين کي صاف سٿرو ماحول فراهم ڪيو وڃي ٻي صورت ۾ سخت احتجاج ڪيو ويندو