رستم ۽ ڀرپاسي اُرڙي جا هاڃا جاري، وڌيڪ 3 ٻارڙا فوت

ڳوٺ غلام حسين پٺاڻ ۾ 3 ٻارڙا ياسمين جمالي، شعيب جمالي ۽ دعا جمالي اُرڙي وگهي فوت

رستم (رپورٽر) ارڙي وبائي صورت اختيار ڪري وئي، ارڙي جي ورتل ڏھ ٻارڙن مان ٽي کير پياڪ ٻالڪ فوت، وارثن جي گھر م ڪھرام.، ڳوٺاڻن جو چوڻ هو ته ڳوٺ غلام حسين پٺاڻ ۾ ھڪ ھفتي کان ارڙي جي بيماري ڏھ ٻارڙن ۾ پکڙجي وئي آھي، جنھن مان ٽي کير پياڪ ٻالڪ فوت ٿي ويا آھن، ارڙي سبب فوت ٿيل ٻارڙن م ياسمين ڌيءَ قربان جمالي، شعيب پٽ آفتاب جمالي، دعا ڌيء صاحب جمالي شامل آھن، 7 معصوم ٻارڙا اڃا به ارڙي ۾ مبتلا آھن، ڳوٺاڻا غوث بخش جمالي، صاحب جمالي. ۽ ٻين چيو ته ارڙي پکڙجڻ بابت ڊي ايڇ او شڪارپور ارشاد سرڪي کي اطلاع ڪيو ويو پر تحرڪ نه ورتو ويو آهي، ھڪ ھفتي کان ڏھ ٻارڙن م پکڙيل ارڙي وبائي صورت اختيار ڪري وئي آھي، ٽن ٻارڙن جو ارڙي سبب فوت ٿيڻ افسوسناڪ واقعو آھي، اسان جو تمام گھڻو نقصان ٿيو آھي، نوٽيس وٺي متاثر ڳوٺن م ڊاڪٽرن جون ٽيمون اماڻيون وڃن،