شڪارپور ۾ کليل گٽر عوام لاءِ عذاب بڻيل، معصوم ٻارڙو گٽر ۾ ڪِري ٻڏي بيهوش، اسپتال منتقل

شڪارپور (احسان ابڙو) شڪارپور ۾ ميونسپل انتظاميا جي نااهلي، کليل گٽر ۾ 3 ورهين جو معصوم ڪري پيو نيو شڪارپور بلڊنگ آفيس ڀرسان ميونسپل انتظاميا جي مبينا نااهلي سبب گٽرن جا ڍڪ کليل هئڻ ڪري افسوسناڪ واقعو پيش آيو، جتي 3 ورهين جو معصوم ايان علي سنجراڻي کليل گٽر ۾ ڪري پيو اطلاعن موجب ٻار کي فوري طور مقامي ماڻهن ٻاهر ڪڍي بيهوشي جي حالت ۾ سول اسپتال منتقل ڪيو ويو، جتي ڊاڪٽرن پاران طبي امداد فراهم ڪئي پئي وڃي علائقي واسين ميونسپل انتظاميا خلاف سخت احتجاج ڪندي چيو ته شهر ۾ ڪيترن هنڌن تي گٽرن جا ڍڪ کليل پيل آهن، جيڪي ڪنهن به وقت وڏي حادثي جو سبب بڻجي سگهن ٿا۔ هنن مطالبو ڪيو ته فوري طور تي کليل گٽرن کي ڍڪ ڏئي شهرين جي جانين جو تحفظ يقيني بڻايو وڃي