ملير ۾ ڳوٺ ڌڻي پرتو واسين جو بااثرن خلاف احتجاج

سرڪاري زمين تي پنڪچر جو دڪان آهي: صدام کوسو

ڌڻي پرتو روڊ لڳ سرڪاري زمين تي قائم سندن ٽائر پنڪچر جي دڪان تي بااثر ماڻهن شهزاد، رحيم ۽ ٻين حملو ڪري دڪان ڊاهي پٽ ڪري ڇڏيو هنن ٻڌايو ته حمله آورن سندن سئوٽ سليمان کوسو ۽ محمد خان کوسو تي سخت تشدد ڪيو، جنهن سبب هو زخمي ٿي رت ۾ لت پت ٿي پيا ۽ کين ڳڻتي جوڳي حالت ۾ اسپتال منتقل ڪيو ويو آھي سندن چوڻ موجب واقعي جي اين سي ٿاڻو شاهه لطيف ٽائون ۾ داخل ڪرائي وئي آهي صدام کوسو جو چوڻ هو ته ڄاڻايل بااثر شخص پاڻ کي صحافي ظاهر ڪن ٿا ۽ سرڪاري زمين تي ويٺل غريب پورھيتن کان مبينا طور ڪرائي جي نالي تي ڀتو وصول ڪن ٿا هنن الزام لڳايو ته ڀتو نه ڏيڻ تي سندن مٿان حملو ڪري سندن روزگار تباهه ڪيو ويو هنن آءِ جي سنڌ، ڊي آءِ جي ايسٽ ۽ ايس ايس پي ملير ايس ايچ او شاھ لطيف ٽائون کان مطالبو ڪيو ته نامزد ماڻهن خلاف فوري قانوني ڪارروائي ڪئي وڃي ۽ کين انصاف ۽ تحفظ فراهم ڪيو وڃي..