سجاول ۾ هٿياربندن هٿان ڦر دوران مزاحمت تي نوجوان زخمي

ڦورو موٽرسائيڪل ۽ ٻيو سامان ڦر ڪرڻ بعد زخمي ڪري فرار ٿي ويا: امتياز لاشاري

سجاول(رپورٽر) سجاول ـ جاتي روڊ تي ھنجر موري ڀرسان نامعلوم ھٿياربندن ڦرلٽ جي واردات دوران اين آر ايس پي (NRSP) جي ملازم امتياز لاشاري کان موٽر سائيڪل ۽ ٻيو قيمتي سامان ڦري فرار ٿي ويا.( تفصيل موجب،) امتياز لاشاري اين آر ايس پي سروي واري فيلڊ ۾ موٽر سائيڪل تي وڃي رهيو هو ته ھنجر موري وٽ اڳ ۾ تاڙ ۾ ويٺل ھٿياربندن کيس روڪي ڦرلٽ جي ڪوشش ڪئي. مزاحمت ڪرڻ تي ھٿياربندن امتياز لاشاري تي تشدد ڪيو، جنهن جي نتيجي ۾ هو زخمي ٿي پيو. جوابدار موٽر سائيڪل، موبائل فون ۽ ٻيو سامان کڻي آساني سان فرار ٿي ويا. واقعي بعد زخمي امتياز لاشاري کي فوري طور علاج لاءِ سول اسپتال اسپتال سجاول منتقل ڪيو ويو، اطلاع ملڻ تي پوليس واقعي واري هنڌ پهچي جاچ شروع ڪري ڇڏي آهي، جڏهن ته ڏينهن ڏٺي جو ڦرلٽ ٿيڻ تي شهرين وڌندڙ ڦرلٽن تي ڳڻتي جو اظهار ڪندي اعليٰ اختيارين کان جوابدارن جي فوري گرفتاري ۽ امن امان جي صورتحال بهتر ڪرڻ جو مطالبو ڪيو آهي.