عمرڪوٽ ۾ ٽريڪٽر ٽرالي ۽ موٽرسائيڪل ٽڪر، هڪ ڄڻو فوت

عمرڪوٽ (ڊ ر) عمرڪوٽ جي ڇور روڊ تي اين آئي سي وي ڊي سينٽر جي ڀرسان ٽريڪٽر ٽرالي سان موٽرسائيڪل ٽڪرائجڻ سبب هڪ ڄڻو فوت ٿي ويو، حادثي ۾ موٽرسائيڪل سوار عمرڪوٽ شهر جي بجير پاڙي جو رهواسي، 45 سالا جھامن پٽ مدن بجير، سخت زخمي ٿي پيو، زخمين کي ڳڻتي جوڳي حالت ۾ سول اسپتال عمرڪوٽ منتقل ڪيو ويو، جتي زخمن جي شدت سبب هو اسپتال ۾ فوت ٿي ويو، واقعي جي اطلاع ملڻ تي عمرڪوٽ سٽي پوليس موقعِ تي پهچي ٽريڪٽر کي ضبط ڪيو، جڏهن ته ڊرائيور فرار ٿي ويو، پوليس موجب فوتي نوجوان ڇور کان عمرڪوٽ اچي رهيو هو جڏهن اين آئي سي وي ڊي سينٽر جي ڀرسان حادثو پيش آيو، فوتي جو لاش ضروري ڪاروائيءَ بعد وارثن جي حوالي ڪيو ويو ۽ لاش گهر پهچڻ تي گهر ۾ ڪهرام مچجي ويو، پوليس وڌيڪَ ڪاروائيءَ جاري رکندي چيو آهي ته فرار ڊرائيور جي گرفتاري لاءِ ڇاپا ھنيا پيا وڃن.