توانائی کے نظام کو مستحکم اور سرکاری اداروں میں اصلاحات کے لیے پاکستان اور ایشیائی ترقیاتی بینک کے درمیان بڑے مالیاتی معاہدوں پر دستخط ہوگئے۔
حکومتِ پاکستان اور ایشیائی ترقیاتی بینک کے درمیان مجموعی طور پر 730 ملین ڈالر مالیت کے دو اہم ترقیاتی منصوبوں کے معاہدوں پر دستخط کیے گئے ہیں۔ وزارتِ اقتصادی امور کے مطابق ان معاہدوں میں 330 ملین ڈالر کا سیکنڈ پاور ٹرانسمیشن منصوبہ اور 400 ملین ڈالر مالیت کا سرکاری ملکیتی اداروں کی ٹرانسفارمیشن پروگرام شامل ہے۔
حکام کے مطابق پاور ٹرانسمیشن منصوبے کے تحت آئندہ آنے والے پن بجلی کے منصوبوں سے تقریباً 2300 میگاواٹ بجلی کی قابلِ اعتماد ترسیل ممکن ہو سکے گی، جس سے قومی گرڈ کے استحکام میں نمایاں بہتری آئے گی۔
دوسری جانب سرکاری ملکیتی اداروں کے ٹرانسفارمیشن پروگرام کے ذریعے ایس او ای ایکٹ اور پالیسی پر مؤثر عملدرآمد کو یقینی بنایا جائے گا، جس کا مقصد حکومتی اداروں کی کارکردگی، شفافیت اور مالی نظم و ضبط کو بہتر بنانا ہے۔
ایشیا ئی ترقیاتی بینک کی کنٹری ڈائریکٹر نے ان اقدامات کے لیے حکومتِ پاکستان کے مضبوط عزم کو سراہتے ہوئے کہا کہ سرکاری اداروں میں اصلاحات کا یہ پروگرام پاکستان کی مجموعی اصلاحاتی کوششوں کو مزید تقویت دے گا۔
0 تبصرے