ڊي سي عمرڪوٽ جي صدارت هيٺ ڊسٽرڪٽ ڪو آرڊينيشن ڪميٽي جو 14هون اجلاس

اجلاس ۾ پاڪ آرمي جي ڪئپٽن امبر، ايس ايس پي عذير ميمڻ، اي ڊي سي ٽو عمران آرائين ۽ ٻيا شريڪ

عمرڪوٽ (رپورٽ:ڪانجي مل رکيسر) ڊپٽي ڪمشنر عمرڪوٽ نويد الرحمان لاڙڪ جي صدارت هيٺ ڊسٽرڪٽ ڪوآرڊينيشن ڪميٽي (ڊي سي سي) جو 14هين اهم اجلاس ڊپٽي ڪمشنر آفيس عمرڪوٽ جي درٻار هال ۾ منعقد ٿيو، اجلاس ۾ پاڪستان آرمي 22 پنجاب ريجمنٽ ڇور ڪينٽ جي ڪئپٽن امبر، ايس ايس پي عمرڪوٽ عذير احمد ميمڻ، ايڊيشنل ڊپٽي ڪمشنر ٽو عمران آرائين، اسسٽنٽ ڪمشنر عمرڪوٽ رجب علي سٺيو، اسسٽنٽ ڪمشنر ڪنري محمد خان، اسسٽنٽ ڪمشنر سامارو سنجي ڪمار، اسسٽنٽ ڪمشنر پٿورو غلام علي طارق، ايڪسي اين حيسڪو علي رضا ڀٽي، ڊپٽي ڊائريڪٽر وومين ڊولپمينٽ عمرڪوٽ، چيف ميونسپل آفيسر عمرڪوٽ سيد ساجد علي شاهه، ايڪسائز انسپيڪٽر ضلع عمرڪوٽ سرفراز علي جلباڻي، ڊپٽي ڊائريڪٽر نيشنل هاءِ ويز اٿارٽي عمرڪوٽ اسدالله ميمڻ، ڊسٽرڪٽ انفارميشن آفيسر عمرڪوٽ محمد اسلم ڀٽي، ڊپٽي ڊائريڪٽر زراعت اياز ڪاڇيلو، ڊسٽرڪٽ فوڊ انسپيڪٽر عمرڪوٽ، حساس ادارن آئي ايس آئي، آئي بي،ايف آئي اي،اسپيشل برانچ، سي ٽي ڊي، ڪسٽم انسپيڪٽر، اليڪٽرڪ انسپيڪٽر انرجي ميرپورخاص، سيڪريٽري آر ٽي اي سيد شيراز علي شاهه، ٽائون آفيسرن، ضلعي جي سڀني لاڳاپيل کاتن جي سربراهن، سول ۽ عسڪري ادارن جي نمائندن ۽ ٻين کاتن جي آفيسرن شرڪت ڪئي، اجلاس جو بنيادي مقصد صوبائي ايپڪس ڪميٽي ۽ فيڊرل ايپڪس ڪميٽي جي فيصلن تي مؤثر ۽ بروقت عملدرآمد کي يقيني بڻائڻ هو، اجلاس دوران ڊپٽي ڪمشنر عمرڪوٽ گذريل اجلاس ۾ ڪيل فيصلن تي عملدرآمد جي اڳڀرائي جو تفصيلي جائزو ورتو ۽ سڀني لاڳاپيل آفيسرن کان ڪارڪردگي رپورٽون پڻ طلب ڪيون، ان موقعي تي ڊپٽي ڪمشنر نويد الرحمان لاڙڪ اجلاس کي خطاب ڪندي چيو ته امن امان جي صورتحال کي وڌيڪ بهتر بڻائڻ، منشيات، غير قانوني هٿيارن، اسمگلنگ ۽ ٻين ڏوهن خلاف گڏيل ڪارروائيون وقت جي اهم ضرورت آهن، هن واضح هدايتون جاري ڪندي چيو ته صوبائي ۽ وفاقي سطح تي ٿيل فيصلن تي ڪنهن به قسم جي ڪوتاهي برداشت نه ڪئي ويندي ۽ سڀئي کاتا پاڻ ۾ رابطي ۽ سهڪار سان پنهنجون ذميواريون نڀائين، اجلاس ۾ امن امان، انسدادِ منشيات، تجاوزات جي خاتمي، غير قانوني ڪاروبار، گداگري، ذخيره اندوزي، مهانگائي تي ڪنٽرول، حساس هنڌن جي سيڪيورٽي، تعليمي ادارن ۽ سرڪاري آفيسن جي چوڌاري حفاظتي انتظامن سميت ٻين اهم معاملن تي تفصيلي خيال ونڊ ڪيو ويو، ھن پوليس ۽ قانون لاڳو ڪندڙ ادارن کي هدايت ڪئي ته ڏوهاري عنصرن خلاف انٽيليجنس بيسڊ ڪارروائيون وڌيڪ تيز ڪيون وڃن، ان موقعي تي ڊپٽي ڪمشنر سڀني کاتن کي پابند ڪيو ته هو پنهنجي ڪارڪردگي کي وڌيڪ مؤثر بڻائين ۽ مقرر ڪيل هدفن جي حاصلات لاءِ واضح حڪمت عملي تحت ڪم ڪن، ھن چيو ته عوامي مسئلن جو فوري ۽ شفاف حل حڪومت جي اولين ترجيح آهي ۽ ان حوالي سان ڪنهن به قسم جي غفلت ناقابلِ قبول هوندي، اجلاس جي پڄاڻي تي ان عزم جو ورجاءُ ڪيو ويو ته صوبائي ۽ فيڊرل ايپڪس ڪميٽي جي فيصلن تي مڪمل عملدرآمد کي يقيني بڻايو ويندو ۽ ايندڙ اجلاس ۾ اڳڀرائي جو ٻيهر جائزو ورتو ويندو.