ور شهر جي سماجي اڳواڻ پاران زمين تي مبينا قبضي خلاف احتجاج

ٺٽو:(رپورٽ شفيق ڀٽي)ور شهر جي سماجي ورڪر نوجوان عبدالرزاق تنيو عوامي پريس ڪلب ٺٽو ۾ صحافين آڏو دانهندي الزام هڻندي چيو آهي ته سندس خانداني رڪارڊ واري زمين ديھ ڪڙلو يوسي کاڻ تعلقا گهوڙاٻاري ۾ آهي جنهن جا سروي نمبر 547-548-549-550 ٽوٽل ايراضي 16 ايڪڙ آهي جنهن تي تر جي بااثرن سعيدو زنگياڻي بلوچ دوسو زنگياڻي بلوچ يارو زنگياڻي بلوچ وارن ڪجھ بااثر جي مدد سان جعلي رڪارڊ حاصل ڪري مذڪوره زمين تي قبضو ڪري ورتو آهي عبدالرزاق تنيو وڌيڪ الزام هڻندي چيو ته يوسي کاڻ جي چئيرمين سندس پٽ روينيون سان لاڳاپيل تپيدار ٻيا پڻ پنهنجي ذات برادري جي قبضا خورن کي سپورٽ ڪري رهيا آهن جڏهن روينيون تپيدار سندن ذات برادري جي ماڻهن کي جعلي رڪارڊ ٺهرائي ڏيڻ جي سهولتڪار بڻيل آهي نوجوان سماجي ورڪر عبدالزراق تنيو چيو ته اسان سب کان پهرين يوسي کاڻ جي چئيرمين کي معزز سمجهي دانهن ڏني پر هو به پنهنجي برادري جي قبضا خورن کي مدد ڪري رهيو آهي هن چيو ته زنگياڻي برادري طرفان قبضو ڪيل زمين هنن جي خانداني زمين آهي جنهن جو هنن وٽ 60 سال پراڻو رڪارڊ موجود آهي تازو جعلي رڪارڊ ظاهر ڪري سندن زمين تي پاور ۽ طاقت جي زور تي قبضو ڪيو ويو آهي هن ڊي سي ٺٽو روينيون کاتي جي اعلي اختيارين کان فوري نوٽيس وٺي انصاف جو مطالبو ڪيو آهي