شڪارپور ۾ استادن ۽ شاگردن پاران ثقافتي ڏهاڙي جي حوالي سان سرگرميون جاري

استادن ۽ شاگردن پاران سنڌ جي مختلف تاريخي هنڌن ۽ درگاهن جو دورو ڪيو ويو

شڪارپور (احسان ابڙو) ثقافتي سرگرمين جي سلسلي ۾ شڪارپور جي استادن ۽ شاگردن جو سنڌ جي مختلف تاريخي هنڌن ۽ درگاهن جو دورو ڪيو ويو ثقافتي ۽ هڪجهتي ڏينهن جي مناسبت سان، تاريخي سي اينڊ ايس گورنمينٽ ڊگري ڪاليج شڪارپور طرفان استادن ۽ شاگردن لاءِ سنڌ جي صوفي بزرگ شاعرن ۽ تاريخي هنڌن جو مطالعاتي دورو ڪيو ويو۔ثقافت ۽ ايڪتا توڙي ٻين عنوانن هيٺ ڊسمبر ۾ ٿيندڙ مختلف تقريبن کي اُجاگر ڪرڻ واري سلسلي جي ڪڙي طور، پرنسپل امتياز ميمڻ جي نگراني هيٺ منعقد ڪيل شاندار سرگرمي دوران، چئن ڪوچز ۾ سوار استادن ۽ شاگردن حضرت سچل سرمست جي مزار، تاريخي ڪوٽڏيجي قلعي ۽ وادي زهره جو دورو ڪيو۔هن موقعي تي نامور ڪالم نويس نسيم بخاري مذڪوره شخصيتن ۽ تاريخي هنڌن بابت تفصيلي ڄاڻ فراهم ڪندي چيو ته موجوده دور ۾ نوجوانن کي پنهنجي سورمن، تاريخي هنڌن ۽ تهذيب بابت وڌ کان وڌ آگاهي ڏيڻ ۽ کين شعور ۽ قومي سجاڳي جي احساس کان روشناس ڪرائڻ نهايت ضروري آهي۔