عمرڪوٽ ۾ ٻن سونارڪي دڪانن مان ڪروڙين رپين جي مبينا چوري

عمرڪوٽ(رپورٽ:ڪانجي مل رکيسر) عمرڪوٽ ۾ سوناري جي ٻن دڪانن کي ڌار ڌار کاٽ، سونارا برادري طرفان ڪاروبار بند ڪري ڪروڙين رپين جو سون چوري ٿيڻ جون دانھون، احتجاجي مظاھرو، پ پ ايم پي اي امير علي شاھ عائشه مارڪيٽ پُھتو دڪاندارن سان معلومات وٺندي چوري واپس ڪرائڻ جي خاطري خبر موجب عمرڪوٽ شھر جي عائشه مارڪيٽ ۽ راڻا چوڪ ۾ سونارن جي ٻن دڪانن کي هڪ ئي رات ۾ ڌار ڌار کاٽ ھڻن جون وارداتون پيش آيون آھن جتي نامعلوم چور انيل ڪمار سوناري ۽ سونارڪو ڪم ڪندڙ مدن مالھي سونارو جي دڪان مان ڪروڙين رپين جي سون ۽ چاندي جا زيورات ۽ روڪ رقم چوري ڪري ويا جڏھن ته پيش آيل کاٽ جي وارداتن جو پتو تڏھن پيو جڏھن دڪان مالڪ پنھنجون دڪانون کولڻ لاء پُھتا ۽ اھڙو اطلاع ملڻ تي سونارا برادي توڙي آس پاس جا دڪاندار گڏ ٿي ويا جن راڻا چوڪ ۽ سونارا مارڪيٽ ۾ پنھنجو ڪاروبار بند ڪري سونارا ايسوسيئيشن جي صدر ڀيشم سونارو، کيتارام، لو ڪمار، ھريش ڪمار ۽ ٻين جي اڳواڻي ۾ پريس ڪلب آڏو احتجاجي مظاهرو ڪري سخت نعري بازي ڪئي ويئي احتجاج ڪندي سونارا ايسوسيئشن جي صدر ڀيشم سوني ۽ ٻين چيو ته سونارا برادري جي انيل ڪمار ۽ سونارڪو ڪم ڪندڙ مدن مالھي سونارو جي دڪانن کي گذريل رات کاٽ ھڻي ڪروڙين رپين جي ماليت جا سون ۽ چاندي جي زيور ۽ روڪ رقم ۽ چوري ڪيا ويا آھن ۽ سي سي ٽي وي ڪيمرا به ٽوڙي گڏ کڻي ويا ھنن چيو ته دڪاندار جڏھن دڪان کولڻ لاء پُھتا ته خبر پئي ته وڏي کاٽ لڳي آھي جيڪو وڏي زيادتي آھي ۽ اسان اعلي اختيارين کي گذارش ٿا ڪريون ته لڳل کاٽ مامري جو نوٽيس وٺي چوري ٿيل سون ۽ چاندي جا زيور روڪ رقم ڏياري وڃي نه ته ٻيھر سخت احتجاج ڪيو ويندو جڏھن ته شھر جي مک ڪاروباري علائقن جي ٻن سونارڪو ڪم ڪندڙن جي دڪانن کي لڳل کاٽ جي اطلاع ملڻ تي پ پ ايم پي اي سيد امير علي شاھ ۽ ٻيا پ پ اڳواڻ پُھتا جن عائشه مارڪيٽ ۽ راڻا چوڪ تي پُھچي دڪاندارن سان ملاقات ڪري تفصيل ورتا ان موقعي تي پ پ ايم پي اي سيد امير علي شاھ ميڊيا سان ڳالھائيندي چيو ته سونارن جي ٻن دڪانن کي لڳل کاٽ واري مامري جو گهرو وزير ضيا الحسن لنجار نوٽيس ورتو آھي ۽ ھن رپورٽ طلب ڪري ورتي آھي ھن چيو ته عمرڪوٽ شهر جو امن امان پهرين ترجيع آهي ڪنهن به دڪاندار سان زيادتي نه ٿيندي چوري ٿيل سامان واپس ٿيندو ۽ چور قانون جي ڪٽهڙي ۾ ايندا ڪير ڪيترو بااثر ڇو نه هجي بچي نه سگهندا ھن چيو ته ايس ايس پي ۽ ڊي آءۡ جي سان رابطي ۾ آهيان پوليس ٽيمون ڪم ڪن پيو ٽيڪنيڪل ٽيمون به سرزمين تا ثبوت گڏ ڪري ويون آهن جلد جوابدار گرفتار ٿيندا ۽ سونارا برادري جي لڳل کاٽ جو سامان واپس ڏياريو ويندو لڳل کاٽ واري مامري تي پي ٽي آء جي اڳوڻي ايم اين اي لال مالھي چيو آھي ته عمرڪوٽ ضلعي ۾ ٽارگيٽ ڪري ھندو برادري کي نشانو بڻايو وڃي پيو لاڳيتو ڦرلٽ جي ڪوششن سبب پرامن ڪاروباري برادري عدم تحفظ جو شڪار ٿي وئي آھي جڏھن ته گذريل رات لڳل ٻن دڪانن کي کاٽ واري مامري جو ڪيس داخل نه ٿي سگھيو ھو