شڪارپور ضلعي جي ڊسٽرڪٽ ڪوآرڊينيشن ڪميٽي جي گڏجاڻي

ممتا پروگرام جي تشهير کي وڌايو وڃي ته جيئن وڌ کان وڌ عورتون پروگرام ۾ داخل ٿي سگهن: شڪيل ابڙو

شڪارپور(احسان ابڙو)شڪارپور ضلعي جي ڊسٽرڪٽ ڪوآرڊينيشن ڪميٽي جي گڏجاڻي ڊپٽي ڪمشنر آفيس شڪارپور ۾ ٿي گذري.ممتا پروگرام جي تشهير کي وڌايو وڃي ته جيئن وڌ کان وڌ خواتين پروگرام ۾ داخل ٿي سگهن. شڪيل احمد ابڙو ڊي سي شڪارپور ضلعي شڪارپور جي 30 صحت مرڪزن تي اها سهولت موجود آهي جتي اھل عورتن ۽ ٻن سالن تائين جي ٻارن جي داخلا ڪئي پئي وڃي. ضلعي ۾ 43 هزار عورتون پروگرام ۾ شامل ٿي چڪيون آهن. ڊسٽرڪٽ ڪوآرڊينيٽر زاھد حسين ڏھوٽ تفصيل موجب اڄ سنڌ حڪومت جي ممتا پروگرام بابت شڪارپور ضلعي جي ڊسٽرڪٽ ڪوآرڊينيشن ڪميٽي جي گڏجاڻي ڊپٽي ڪمشنر آفيس شڪارپور ۾ ٿي گذري. جنهن جي صدارت ڊپٽي ڪمشنر شڪارپور شڪيل احمد ابڙو ڪئي. ان موقعي تي ڊپٽي ڪمشنر شڪارپور شڪيل احمد ابڙو چيو ته "ممتا پروگرام" هڪ جامع پروگرام آهي جيڪو سنڌ سرڪار جي ٻين پروگرامن لاءِ پڻ سهڪاري ثابت ٿي رهيو آهي. هن وڌيڪ چيو ته ممتا پروگرام جي ڪاميابي لاءِ سمورا اسٽيڪ ھولڊرز اهم ڪردار ادا ڪري رهيا آهن. ڊپٽي ڪمشنر شڪارپور شڪيل احمد ابڙو ھدايت جاري ڪئي تہ ممتا پروگرام جي تشهير کي وڌايو وڃي ته جيئن وڌ کان وڌ خواتين پروگرام ۾ داخل ٿي سگهن. گڏجاڻي دوران لاڳاپيل عملدارن پاران ممتا پروگرام جي اثرائتي عملداري بابت مختلف رٿون پڻ پيش ڪيون ويون. گڏجاڻي ۾ سنڌ حڪومت جي ممتا پروگرام بابت ڊسٽرڪٽ ڪوآرڊينيٽر زاهد حسين ڏھوٽ پروگرام متعلق تفصيلي بريفنگ ڏيندي ٻڌايو ته عالمي بينڪ جي تعاون سان صوبي سنڌ جي 15 ضلعن ۾ ممتا پروگرام ڪاميابي سان جاري آهي ۽ ضلعي شڪارپور جي 30 صحت مرڪزن تي اها سهولت موجود آهي جتي اھل عورتن ۽ ٻن سالن تائين جي ٻارن جي داخلا ڪئي پئي وڃي. ضلعي ۾ 43 هزار عورتون پروگرام ۾ شامل ٿي چڪيون آهن. هن وڌيڪ چيو ته پروگرام ۾ رجسٽر ٿيل عورتن کي پاليسي موجب مالي سھائتا ڪئي پئي وڃي ۽ اها رقم بينڪ الفلاح جي ايجنٽس ذريعي ڏني وڃي ٿي. ڪنهن به ڪٽوتي يا پروگرام متعلق شڪايت جي صورت ۾ هيلپ لائن 1054 يا تي پڻ شڪايت ڪري سگهجي ٿي. گڏجاڻي ۾ نادرا ۽ لوڪل گورنمينٽ ڊپارٽمينٽ کي ممتا جي ڪلائنٽس کي ترجيحي بنيادن تي سروس مهيا ڪرڻ جي هدايت پڻ ڪئي وئي. گڏجاڻي ۾ تمام اسسٽنٽ ڪمشنرز، ڊسٽرڪٽ ھيلٿ آفيسر ڊاڪٽر نادر علي پنهور، ڊسٽرڪٽ مينيجر پي پي ايڇ آئي حيدر علي شاھ، اين اسٽاپ، ڊبليو ايڇ او، نادرا جي نمائندن، آر ايم اين سي ايڇ، فوڪل پرسن اي پي آئي، ڊپٽي ڊائريڪٽر لوڪل گورنمينٽ، سرسو ڪوآرڊينيٽر ۽ ٻيا لاڳاپيل آفيسر پڻ موجود هئا.