عمرڪوٽ ۾ جوڙي پاران پسند جو پرڻو ڪرڻ بعد تحفظ لاءِ احتجاج

عمرڪوٽ (ڊ ، ر) اسلام ڪوٽ تعلقي جي ڳوٺ ميهاري واسي پريمي جوڙي حاجران ڌيءَ ماستر سانوڻ جوڻيجو ۽ منور علي ولد مانجهي جوڻيجو پيار جو پرڻو ڪري ڇڏي والدين طرفان موتمار ڌمڪيون پريمي جوڙو پريس ڪلب عمرڪوٽ پھتو انصاف ڏيارڻ جو مطالبو، پريمي جوڙي صحافين آڏو دانهيندي چيو ته اسان ڇهه مهينا اڳ ڪراچي سٽي ڪورٽ ۾ پيار جو پرڻو ڪيو هو، جنهن کان پوءِ حيدرآباد ۽ ميرپورخاص جي عدالتن ۾ تحفظ لاءِ اپيلون به داخل ڪيون هيون، پر ان جي باوجود ڇوڪريءَ جا والد ۽ رشتيدار اسان کي لڳاتار قتل جون ڌمڪيون ڏئي رهيا آهن، منور علي جوڻيجو الزام لڳايو ته ڇوڪريءَ جا والد سانوڻ جوڻيجو ۽ سندس رشتيدار عبدالله ولد يار محمد، هارون ولد يار محمد، لقمان، عبدالطيف ۽ پاڙيسري صاحبڏنو ولد ڀارو اسان جو جيئڻ جنجال بڻائي ڇڏيو آهي، منور علي وڌيڪ چيو ته منهنجي والد مانجهي جوڻيجو تي تشدد ڪيو ويو، اسان جو مال به کڻي ويا آهن، جيڪو واپس ڪرايو وڃي، هن وڌيڪَ چيو ته مخالف ڌر ڪوڙا ڪيس داخل ڪرائڻ جون تياريون ڪري رهي آهي، جيڪڏهن اهڙو ڪو ڪيس داخل ٿئي ته ان کي ڪوڙو سمجهيو وڃي، پريمي جوڙي ڊي آءِ جي ميرپورخاص، ايس ايس پي ٿرپارڪر، ايس ايڇ او مٺي ۽ ايس ايڇ او اسلام ڪوٽ کان مطالبو ڪيو آهي ته اسان کي حياتي جو تحفظ ڏنو وڃي ته جيئن اسان امن سان زندگي گذاري سگهون.