سنڌ جي نامور ڪھاڻيڪار، شاعر، ڊراما نگار ۽ محقق محمد علي پٺاڻ جو نئون ڪتاب ڇپجي ويو

محمد علي پٺاڻ جو 43 ڪتاب سانپ کا اغوا رنگِ ادب پبليڪيشنز ڇپائي پڌرو ڪيو

ملير (رپورٽ: عبدالرشيد مورجھريو) سنڌ جي نامور ڪھاڻيڪار، شاعر، ڪالم نگار، ڊراما نگار ۽ محقق محمد علي پٺاڻ جو نئون ۽ ٽيتاليھون ڪتاب "سانپ کا اغوا" اردوءَ جي مشھور پبلشنگ اداري "رنگِ ادب" پبليڪيشنز پاران ڇپائي پڌرو ڪيو ويو آهي. ڪتاب سنڌيءَ ۾ لکيل فائيو ڊيز ٽي وي ڊراما سيريل جو عابد انڙ صاحب طرفان اردوءَ ۾ ڪيل ترجمي تي مشتمل آهي. جنھن بابت پروفيسر ڊاڪٽر عظميٰ فرمان (ڪراچي يونيورسٽيءَ جي اردو شعبي جي چيئر پرسن) ، نصير مرزا، محمد علي منظر، شاعر علي شاعر، ڄام جماليءَ، مترجم عابد انڙ ۽ پروفيسر شاھد ڪمال جا يادگار ليک شامل آهن. ڪتاب جي ارپنا ليکڪ پنھنجي محسن دوست ۽ سنڌ ٽي وي جي روح روان ڊاڪٽر عبدالڪريم راڄپر کي ڪئي آهي.