ملير ڪينٽ ڀٽائي آباد ۾ هانءُ ڏاريندڙ واقعو، 3 نوجوان ناريون ڳلو ڪپي قتل، نينگري سميت 2 ڄڻا زخمي

ملیر (رپورٽ: عبدالرشيد مورجھريو) ملير ڪينٽ ڀٽائي آباد ۾ ڪيچن خاندان جي هڪ گهر مان ٽن عورتن جون گلا ڪٽيل لاشون برآمد ٿيون، جڏهن ته هڪ ڇوڪري ۽ هڪ مرد کي زخمي حالت ۾ اسپتال منتقل ڪيو ويو. ايس ايس پي ملير موجب مقتول عورتن جي سڃاڻپ مينہ، عائشہ ۽ دانيہ جي نالن سان ٿي آهي. زخمي ٿيندڙ ڇوڪري نندني ۽ زخمي مرد جي سڃاڻپ اجے طور ٿي آهي، جيڪو مقتول عورتن جو مامو ٻڌايو پيو وڃي.پوليس ترجمان موجب شڪ آهي ته اجے ئي تيز ڌار آلي سان عورتن جا گلا ڪٽيا. واقعي جي وڌيڪ جاچ جاري آهي ۽ ڪرائم سين يونٽ شواهد گڏ ڪرڻ لاءِ موقعي تي پهچي ويو آهي صوبائي وزير داخلہ سنڌ ضياءالحسن لنجار واقعي جو نوٽيس وٺندي ايس ايس پي ملير کان تفصيلي رپورٽ طلب ڪئي آهي. هن واقعي تي سخت تشويش ۽ افسوس جو اظهار ڪندي پوليس کي هر رخ کان شفاف جاچ ڪرڻ جو حڪم ڏنو. وزير داخلہ چيو ته ذميوارن کي قانون موجب سخت سزا ڏني ويندي، جڏهن ته زخمين کي بهترين طبي سهولتون فراهم ڪرڻ جي به هدايت ڪئي وئي آهي.