لکي غلام شاهہ تعلقه پريس ڪلب (رجسٽرڊ) جو اجلاس ٿي گذريو

views | 01st Oct 2025 • سنڌي خبرون

اجلاس جي صدارت گوگي رام ۽ سينيئر نائب صدر نظيرحسين ميمڻ ڪئي

لکي غلام شاهہ تعلقه پريس ڪلب (رجسٽرڊ) جو اجلاس ٿي گذريو

شڪارپور ( احسان ابڙو ) شڪارپور جي لکي غلام شاهہ تعلقه پريس ڪلب (رجسٽرڊ) لکي غلام شاھہ جي جنرل سيڪريٽري گوگي رام ۽ سينيئر نائب صدر نظيرحسين ميمڻ جي صدارت ۾ گڏجاڻي ٿي گذري گڏجاڻي ۾ تعلقه پريس ڪلب لکي غلام شاهہ جي صحافين شرڪت ڪئي جن ۾ گوگي رام، نظيرحسين ميمڻ، عبدالحق سيٺار، محمد صديق شر، غلام ياسين پيرزادو، فراز عباس ميمڻ، نثاراحمد منگي، عادل عجيب ميمڻ، سڪندرعلي جوڳي، نريش ڪمار بيڊلان شرڪت ڪئي ڪراچي ۾ نامعلوم ھٿياربندن ھٿان شھيد ٿيل اينڪرپرسن سينيئر صحافي امتياز مير، جي حوالي سان تعزيتي گڏجاڻي ڪوٺائي وئي جنهن ۾ شھيد جي بلند درجات لاء دعا پڻ گهري وئي ۽ گڏجاڻي ۾ دوستن جي متفق راء سان فيصلو ڪيو ويو ته شاھي بازار لکي غلام شاهہ شهر جي علي مسجد کان 6 آڪٽوبر سومر جي ڏينھن ريلي ڪڍي ويندي جيڪا تعلقه پريس ڪلب( رجسٽرڊ) لکي غلام شاھہ جي بس اسٽينڊ تي پهچندي جتي اڳواڻ خطاب ڪندا