ملير جو حاجي زڪريا ڳوٺ گٽر جي گندي پاڻي م ٻڏل, بنيادي مسئلا حل نه ٿيڻ تي ڳوٺاڻا سراپا احتجاج بڻيل

چونڊيل نمائنده عوام جا مسئلا حل ڪرڻ جي لاءِ سنجيده ناهن: ڳوٺاڻا

ملير (رپورٽ: عبدالرشيد مورجھريو) حاجي زڪريا گوٺ، يونين ڪائونسل ڪونڪر بدترين حالتن جو شڪار ٿي ويو آهي جتي هزارين جي آبادي هجڻ باوجود بنيادي سهولتن جي سخت کوٽ آهي علائقي واسين مولا بخش جوکیو، ر حیم جوکیو، احسان جوکیو، الھورایو جوکیو، محمد جوکیو، شیر افضل جوکیو گنور جوکیو رشید جوکیو دلمراد جوکیو عمران جوکھیو ء بین جو چوڻ آهي ته پي ايس ـ 84 ۽ اين اي ـ 229 جا چونڊيل نمائندا رڳو اليڪشن کٽڻ تائين محدود آهن عوامي خدمت ۽ ترقياتي ڪم مڪمل طور نه ڪيا ويا آهن بارشن کي ڪيترائي ڏينهن گذري ويا آهن، پر زڪريا گوٺ جون گهٽيون، رستا ئ گهر اڃا تائين پاڻيءَ ۾ ٻڏل آهن، جنهن سبب ماڻهن جي اچ وڃ ڏکي ٿي پئي آهي گندو پاڻي نيڪال نه ٿيڻ ڪري گهٽيون نالن جو منظر پيش ڪن ٿيون، جڏهن ته ابلندڙ گٽرن مان بدبوءِ ۽ تعفن ماڻهن جو جينا حرام ڪري ڇڏيو آهي ڳوٺاڻن جو وڌيڪ چوڻ آهي ته شڪايت تي چيئرمين به بي وسي جو اظهار ڪري ٿو ۽ چوي ٿو ته سندس وس ۾ ڪجهه به ناهي. رهواسين موجب، معمولي ڪم ته ماڻهو پنهنجي مدد پاڻ تحت ڪن ٿا پر وڏا ترقياتي منصوبا حڪومت ۽ چونڊيل نمائندن جي ذميواري آهن، جيڪي مڪمل طور تي ناڪام نظر اچن ٿا علائقي واسين پ پ چيئرمين بلاول ڀٽو زرداري ۽ اعليٰ عملدارن کان مطالبو ڪيو آهي ته فوري طور نوٽيس وٺي زڪريا گوٺ جي روڊن، صفائي ۽ نيڪاسيءَ جا مسئلا حل ڪيا وڃن، جيئن ماڻهو ساهه کڻي سگهن.