پاڪستان اسٽيل ملز جي 8هزار برطرف ملازمن پاران حڪومت ۽ انتظاميا خلاف جدوجهد جو اعلان

نااهل انتظاميا صرف 30 سالن ۾ ئي اسٽيل مل کي تباھ ڪري ڇڏيو: نويد آفتاب، رحمان شاهه، الهوايو ٻگهيو ۽ ٻيا

ملير (رپورٽ: عبدالرشيد مورجھريو) پاڪستان اسٽيل ملز جي برطرف ڪيل 8 هزار ملازمن حڪومت ۽ انتظاميا خلاف فيصلي ڪن جدوجهد جو اعلان ڪري ڇڏيو آهي. ملازمن نئين اتحاد پاڪ اسٽيل جدوجهد اتحاد جوڙي پرهجوم پريس ڪانفرنس ڪندي چيو ته هاڻ هو پنهنجن حقن لاءِ هڪ هڪاڻي جدوجهد هلائيندا، جنهن جي شروعات آل پارٽيز ڪانفرنس سان ڪئي ويندي پريس ڪانفرنس ۾ اتحاد جي اڳواڻن نويد آفتاب، رحمان شاهه، الهوايو ٻگهيو، گاگن داس، جاويد احمد شيخ، ادريس چانڊيو، عبدالحق چنا، ولي ناريجو ايڊووڪيٽ، صدالدين پهنور ۽ ٻين خطاب ڪندي چيو ته پاڪستان اسٽيل مل 1973ع ۾ 25 ارب روپين جي سرمائي سان قائم ٿي، جنهن جي سالياني پيداوار 11 لک ٽن هئي ۽ روسي ماهرن 100 سالن تائين ان جي هلڻ جي گارنٽي ڏني هئي، پر نااهل انتظاميا صرف 30 سالن ۾ ئي ان کي تباھ ڪري ڇڏيو اڳواڻن جو چوڻ هو ته ڏهن سالن کان بند پيل اسٽيل ملز مان 2020 ۽ 2021 ۾ جبري برطرف ڪيل ملازمن کي اڃان تائين رهتون ادا نه ڪيون ويون آهن. اپيلئيليٽ ٽريبونل ملازمن جي حق ۾ فيصلو ڏنو، پر انتظاميا هاءِ ڪورٽ مان منع نامون حاصل ڪري ورتو هنن الزام هنيو ته حڪومت اسٽيل ٽائون کي ڪربلا بڻائي ڇڏيو آهي جتي بجلي، پاڻي ۽ گيس جون سهولتون بند ڪري گهر خالي ڪرائڻ لاءِ دٻاءُ وڌو پيو وڃي، جڏهن ته 2022 جي پاليسي موجب رهتون ادا ٿيڻ تائين اهڙو عمل ڪرڻ غيرقانوني آهي پريس ڪانفرنس ۾ اڳواڻن ٻڌايو ته تازو ئي 2 ارب 87 ڪروڙ 14 لک رپيا برطرف ملازمن لاءِ جاري ڪيا ويا آهن، جيڪي جلد ادا ٿيڻ گهرجن. انهن ياد ڏياريو ته 7 اپريل 2025 تي بن قاسم ريلوي ٽريڪ تي تاريخي ڌرڻو ڪيو ويو هو، جيڪو سنڌ جي وڏي وزير جي خاطري تي ختم ڪيو ويو، پر ڇهه مهينا گذرڻ باوجود ڪا به واعدي تي عمل نه ٿيو اڳواڻن مطالبو ڪيو ته اسٽيل ملز جي سي اي او کي هٽائي نئون مٽالرجيڪل انجنيئر مقرر ڪيو وڃي، روس سان گڏجي اسٽيل مل کي بحال ڪيو وڃي، برطرف ملازمن کي نوڪرين ۾ بحال ڪيو وڃي، اسٽيل ٽائون جا گهر ملازمن کي مالڪاڻا حقن تي ڏنا وڃن ۽ گيس ۽ بجلي جون سهولتون فوري طور بحال ڪيون