ملير؛ مختلف سياسي سماجي تنظيمن جي جوڙيل ملير امن بچايو ڪميٽي جو اهم اجلاس

ملير(عبدالرشيد مورجھريو)مختلف سياسي ۽ سماجي تنظيمن تي جوڙيل ملير امن بچايو ڪميٽي جو اهم اجلاس، امن امان بحال ڪرڻ لاء جدوجهد کي وڌيڪ تيز ڪرڻ ۽ ڪميٽي جو سيڪريٽري فرحان لاڙڪ کي مقرر ڪرڻ، 20فيبروري تي جي يو آئي جي ميزباني هيٺ امن ريلي ڪڍڻ جو فيصلو، ملير ۾ ڪم ڪندڙ متحرڪ سياسي ڌرين سان رابطو ڪرڻ ۽ کين جدوجهد ۾ شامل ڪرڻ لاء ڪميٽي قائم، شهيد عارف اتيرو، زاهد ميراڻي، خميسو جوکيو ۽ ٻين جا قاتل گرفتار ڪرڻ جو مطالبو تفصيل موجب آل پارٽيز ڪانفرنس منقعد ڪرڻ جي نتيجي ۾ ملير ۾ ڪم ڪندڙ مختلف سياسي ۽ سماجي تنظيمن تي جوڙيل ملير امن بچايو ڪميٽي جو اهم اجلاس رزاق آباد ۾ خداڏنو شاھ جي صدارت ۾ ٿيو جنهن ۾ فرحان لاڙڪ، حميدلله حقاني، اصغر باغي، اشفاق چنڙ، منان شيخ، مولانا ماجد چاچڙ ۽ ٻين شرڪت ڪئي اجلاس ۾ امن امان جي صورتحال تي ڳڻتي جو اظھار ڪندي جدوجهد کي وڌيڪ تيز ڪرڻ ڪميٽي جو ٽن مھين لاء سيڪريٽري فرحان لاڙڪ کي مقرر ڪرڻ ۽ 20فيبروري تي جي يو آئي جي ميزباني هيٺ ميمڻ ڳوٺ ۾ پر امن امن ريلي ڪڍڻ جو فيصلو ڪيو ويو ان موقعي تي ملير جي سرگرم سياسي ڌرين سان رابطو ڪري کين جدوجهد ۾ شامل ڪرڻ لاء خداڏنو شاھ، فرحان لاڙڪ. عبدالماجد چاچڙ اصغر باغي اشفاق چنڙ ۽ منان شيخ تي ٻڌل ڪميٽي جوڙي وئي اجلاس ۾ مطالبو ڪيو ويو ته شهيد عارف اتيرو، زاهد ميراڻي، خميسو جوکيو ۽ ٻين جا قاتل گرفتار ڪري ملير ۾ امن امان جي صورتحال بهتر ڪئي وڃي