عوام کو ریلیف دینا وزیراعظم شہباز شریف کی اولین ترجیح ہے،کلیم شیخ

کراچی (اسٹاف رپورٹر) پاکستان مسلم لیگ (ن) ضلع حیدرآباد کے صدر کلیم شیخ نے کہا ہے کہ عوام کو ریلیف دینا اور ان کے مسائل کا عملی حل فراہم کرنا پاکستان مسلم لیگ (ن) کی دیرینہ اور روشن روایت ہے۔ انہوں نے کہا کہ مسلم لیگ (ن) نے ہمیشہ اقتدار میں آ کر عام آدمی کی زندگی بہتر بنانے کے لیے ٹھوس اور مؤثر اقدامات کیے ہیں۔ کلیم شیخ کا کہنا تھا کہ عوام کو ریلیف دینا کوئی نعرہ نہیں بلکہ مسلم لیگ (ن) کی خدمت پر مبنی سیاست کا عملی ثبوت ہے۔ پارٹی قیادت کی ہدایات کے مطابق عوامی خدمت، ترقیاتی منصوبوں اور بنیادی سہولیات کی فراہمی کو ترجیح دی جا رہی ہے۔انہوں نے مزید کہا کہ پاکستان مسلم لیگ (ن) ملک کو ترقی، استحکام اور خوشحالی کی راہ پر گامزن کرنے کے لیے پرعزم ہے اور عوامی توقعات پر پورا اترنے کے لیے ہر سطح پر جدوجہد جاری رکھے گی۔