ماتلي ڀرسان ڄاڃين سان حادثو، 20 زخمي، 11 جي حالت ڳڻتي جوڳي

ماتلي ڀرسان ٽنڊو غلام روڊ تي ملهڻ بس اسٽاپ وٽ ڄاڃين سان ڀريل سوزوڪي ٽائر برسٽ ٿيڻ سبب ڪلٽي ٿي کاهي ۾ ڪري پئي جنهن جي نتيجي ۾ عورتن ۽ ٻارڙن سميت 20 ڄڻا زخمي ٿي پيا , زخمين کي کڻائي تعلقه اسپتال ماتلي منتقل ڪيو ويو جتي 11 ڄڻن جي حالت ڳڻتي جوڳي هئڻ سبب کين حيدرآباد اسپتال منتقل ڪيو ويو, زخمين ۾ عورتون, ٻار شامل آهن زخمين جو تعلق ڳوٺ مير بجر خان ٽالپر سان ٻڌايو پيو وڃي پيو وڃي جيڪي ٽنڊي غلام علي کان ماتلي طرف اچي رهيا هئا ته روڊ حادثو پيش آيو.