ميھڙ اي سيڪشن ٿاڻي جي حد ۾ ڪمانگر ۽جتوئي برادري جي ٻن ڌرين ۾ جهيڙو، هڪ ڄڻو قتل، سندس ڀائٽيو زخمي
پئسن جي ڏيتي ليتي تان جهيڙي دوران فائرنگ، بخت علي جتوئي مارجي ويو، سندس ڀائٽيو اظهر زخمي ٿي پيو
ميھڙ(رپورٽر) ميھڙ اي سيڪشن ٿاڻي جي حد ھنڊا شوروم ڀرسان ڪمانگر ۽ جتوئي برادري جي ٻن ڌرين ۾ پيسن جي ڏيتي ليتي تان جھيڙو فائرنگ سبب چاچو بخت علي جتوئي قتل ۽ ڀائيٽو اظھر جتوئي زخمي ٿي پيو فوتي جو لاش ۽ زخمي کي تعلقي اسپتال ميھڙ آندو ويو جڏھن ته زخمي جي حالت ڳڻتي جوڳي ھجڻ ڪري لاڙڪاڻو اسپتال منتقل ڪيو ويو جھيڙي سبب ڌرين ۾ ڇڪتاڻ وڌي وئي ميھڙ پوليس موجب تہ ڪمانگر ۽ جتوئي برادري ۾ پيسن جي ڏيتي ليتي تان گذريل ڏينھن به ڇڪتاڻ ٿي ۽ اڄ ٻيھر ڌرين ۾ جھيڙو ٿي پيو آھي فائرنگ سبب ھڪ قتل ۽ زخمي ٿيو آھي واقعي بابت وڌيڪ جانچ ڪري رھيا آھيون