کراچی: سندھ کے مختلف علاقوں میں مزید تین خواتین کو فائرنگ کر کے قتل کر دیا گیا ہے۔پولیس کے مطابق تینوں خواتین کو ان کے شوہروں نے قتل کیا ہے۔
کراچی کے علاقے پیر آباد میں ایک شخص نے فائرنگ کر کے اپنے اہل خانہ کو قتل کر دیا، پولیس نے قاتل کو پستول سمیت گرفتار کر لیا۔
پولیس کے مطابق بیوی کے قاتل شوہر نے ابتدائی بیان میں اعتراف جرم کرتے ہوئے کہا ہے کہ اس کی بیوی کے کسی غیر مرد سے تعلقات تھے۔
پولیس کے مطابق پیر آباد میں اہل خانہ کو قتل کرنے والے ملزم کی شناخت عبدالغنی کے نام سے ہوئی ہے، مقتول کی شناخت 30 سالہ گل رضا کے نام سے ہوئی ہے۔
گھوٹکی کے سرحدی علاقے میں ایک اور واقعہ پیش آیا جہاں ملزم نے بیوی کو قتل کردیا۔
ملزم غلام علی ساوند نے سرحد کے نواحی گاؤں علی حسن ساوند میں اپنی 27 سالہ بیوی موران کو گولی مار کر قتل کر دیا اور فرار ہو گیا۔
تیسرا واقعہ گھوٹکی کے علاقے جروار میں بھی پیش آیا جہاں خاتون کو قتل کرنے کا انکشاف ہوا ہے۔
تھانہ یارولینڈ کے گاؤں کوکو مہر ساکانی میں خاتون کو قتل کرنے کا انکشاف ہوا ہے۔
علاقے میں افواہیں ہیں کہ غلام فرید شنبھانی نے رات گئے اپنی بیوی کو چھریوں کے وار کر کے قتل کر دیا۔
پولیس کے مطابق رات گئے خاتون کی لاش بلوچستان منتقل کی گئی، ملزمان بھی گھر سے فرار ہوگئے
سندھ کے مختلف علاقوں میں 3 خواتین کو ان کے شوہروں نے قتل کردیا
پولیس کے مطابق تینوں خواتین کو ان کے شوہروں نے قتل کیا ہے