ڊاڪٽر اي ڪيو خان اسلام آباد اسڪول پاران سنڌ جي شاگردن لاءِ اسڪالرشپ تحت داخلائن جو اعلان

اسلام آباد (پ ر) ڊاڪٽر اي ڪيو خان اسلام آباد اسڪول سسٽم اينڊ ڪاليج ابراهيم ڪئمپس پاران سنڌ جي شاگردن لاءِ اسڪالرشپ تحت داخلائن جو اعلان ڪيو ويو آهي . ڇهون ،ستون اٺون ۽ نائون ڪلاس ۾ اسڪالرشپ تحت داخلائون ڪيون پيون وڃن.اسڪالرشپ جي اسسٽنٽ ڊائريڪٽر زاهد محمود جاري ڪيل پريس رليز ۾ چيو آهي ته پبلڪ ۽ سرڪاري اسڪولن جا سمورا اهل شاگرد عمر 10 کان 16 سال وارا اپلائي ڪري سگهن ٿا .هن ٻڌايو ته ايڊميشن اوپن ميرٽ جي بنياد تي ڪئي ويندي ، شاگردن کي انٽريو ۽ لکت واري ٽيسٽ مان گذرڻو پوندو .لکت واري ٽيسٽ سنڌ بورڊ ۽ آڪسفورڊ بورڊ جي سليبس مان ورتي ويندي . زاهد محمود جو چوڻ هو ته سليڪٽ ٿيل شاگردن جو تعليمي سرگرمين ۾ ايندڙ سمورو خرچ ، داخلا فيس،، ماهوار فيس ،رجسٽريشن فيس ،سالياني فيس اسڪالرشپ تحت ادارو پاڻ برداشت ڪندو، جڏهن ته ڪتاب به ادارو مفت فراهم ڪندو پر هاسٽل سروسز خرچ والدين پاڻ برداشت ڪندو درخواست ڏيڻ جي آخري تاريخ 16 فيبروري 2024 مقرر آهي ، جڏهن ته اداري جي ويب سائيٽ www.aqkicampus.comتان آن لائين فارم ڊائون لوڊ ڪري ٽيسٽ فيس هزار 1000 رپيا مختلف بئنڪن اين بي پي ، ايڇ بي ايل، الفلاح، يوبي ايل بئنڪن ۾ جمع ڪرائي ائڊريس ڪورنگ ٽائون ايڪسٽينشن پي ڊبليو ڊي هائوسنگ سوسائٽي اسلام آباد مقرر تاريخ تي موڪليو وڃي، جيڪڏهن ڪا ڄاڻ حاصل ڪرڻي آهي ته اداري جي نمبرن 5970895-051 يا موبائل نمبر 49934190-0301 تي رابطو ڪري سگهجي ٿو