گرینڈ ہیلتھ الائنس میں شامل 40 تنظیموں نے ہسپتالوں کے آؤٹ ڈور بند کر دیئے ، پنجاب حکومت کو کیا "دھمکی " دیدی ؟ جانیے

لاہور: گرینڈ ہیلتھ الائنس میں شامل 40 تنظیموں نے ہسپتالوں کے آؤٹ ڈور بند کر دیئے تمام تنظیموں نے فیصلہ کیا ہے کہ لاہور جنرل ہسپتال اور جناح ہسپتال کے آؤٹ ڈور کا بائیکاٹ آج سے شروع کر دیا ہے اس کیساتھ ساتھ اضلاع ڈویژن اور ڈسٹرکٹ لیول پر بھی سروسز کے بائیکوٹ کا اعلان کر دیا گیا ہے فیصلے میں پاکستان میڈیکل ایسوسی ایشن بھی شامل ہو گئی ہے ،نمائندہ پاکستان" سے خصوصی گفتگو کے دوران الائنس کے چیئرمین ڈاکٹر سلمان حسیب چودری نے کہا کہ اس کے علاوہ کوئی چارہ نہیں ہے کئی روز سے کھلے آسمان تلے پنجاب سے ائٓے ہوئے عورتیں مرد اور بچے بیٹھے ہیں مگر حکومت ٹس سے مس نہیں ہو رہی۔ کسی نے پوچھا تک نہیں کہ کیا لینے آئے ہو اور اب سینہ زوری کرتے ہوئے محکمہ پرائمری اینڈ سیکنڈری ہیلتھ 315 بنیادی مراکز صحت کو مریم نواز ہسپتال کا نام دے کر آؤٹ سورس کر رہا ہے اور پرائیویٹ مافیا کے حوالے کر رہا ہے جو نامنظور ہے ۔انہوں نے کہا کہ آج روزنامہ" پاکستان" میں بھی اس حوالے سے نمایاں سٹوری شائع ہوئی ہے جس پر ہم قبل از وقت خبر دینے پرروزنامہ" پاکستان" کے مشکور ہیں کہ انہوں نے قبل از وقت ہمیں خطرہ سے آگاہ کیا ۔ہم نے جنا ح اور جنرل ہسپتال کے آؤٹ ڈور سے ڈاکٹرز اور عملہ اور نرسوں کو وڈرا کر لیا ہے دیکھتے ہیں حکومت آؤٹ ڈورز ڈاکٹرز ورسز اور پیرامیڈیکل سٹاف کے بغیر کیسے چلاتی ہے۔