سجاول ۾ سماجي تنظيم پاران تعليم جي واڌاري لاءِ سيمينار منعقد

تعليمي سيمينار ۾ 60 اسڪولن جي شاگرن توڙي شاگردياڻي وڏي انگ ۾ حصو ورتو

سجاول (گلشيرميربحر ) سجاول ۾ هڪ سماجي اداري مسلم هينڊز پاران تعليم جي واڌاري لاءِ شايان هال سجاول ۾ سيمينار منعقد ڪيو ويو جنهن ۾ 60 اسڪولن جي شاگرن توڙي شاگردياڻي حصو ورتو، شاگردن مختلف قسمن جا سائنسي ماڊلز ۽ پروجيڪٽ ٺاهي نمائش لاءِ رکيا ۽ ٽيبلو پڻ پيش ڪيا، ڊي سي سجاول زاهدحسين رند. پي ڊي ايم ڊائريڪٽر امداد حسين صديقي، اي ڊي سي ون عبدالڪريم سنگراسي، شوسل ويلفيئر ايڊيشنل ڊائريڪٽر رياض ميمڻ، ڊي ايڇ او سجاول ڊاڪٽرغلام فاروق چانڊيو، وو مين پروجيڪٽ آفيسر شمس النساءِ، ڊپٽي ڊي او اشرف شاعر. نجيب سرويچ. خالد سمون ۽ مختلف علمي ادبي اڳواڻن توڙي سياسي سماجي اڳواڻن شرڪت ڪئي ۽ شاگردن پاران لڳايل سائنسي ماڊلز جو دورو ڪري شاگردن جي ڪارڪردگي جي واکاڻ ڪئي، ان موقعي تي ڊي سي سجاول زاهد حسين رند سيمينار منعقد ڪرائيندڙ مسلم هينڊس پروگرام آرگنائيزر ڪاشف قريشي، دانش، عديل شيخ، ذوالفقارعلي شاه ۽ بابر شيخ ۽ ٻين چيو ته هن سمينار جو مقصد شاگردن جي هٿ جي هنر واري ٽئلينٽ کي اجاگر ڪرڻ آهي. شاگرد صرف پنهنجي ڪتابن تائين محدود ناهن بلڪه پنهنجي عملي ڪم ذريعي به پنھنجو ٽيلنٽ ثابت ڪري سگهن ٿا، اهڙا سيمينار منعقد ڪرڻ سان ٻارن ۾ ذهني ۽ تخليقي صلاحيتن کي اجاگر ڪري سگهجي ٿو. ۽ اهڙين سرگرمين سان انهن جي تعليم ۾ اضافو پڻ ٿئي ٿو. آخر ۾ ٽيبلو پيش ڪندڙ شاگردن کي انعام ڏنا ويا،