نوشهروفيروز ۾ هاسپيٽل بيسڊ بلڊ بئنڪ پاران انسٽيٽيوٽ آف نرسنگ ۾ سالانه بلڊ ڪئمپ لڳائي وئي

اتنظار حسين مري، ربنواز مري،علي اڪبر ناريجو، سماجي اڳواڻ اعجاز ممنائي، زويه لاڙڪ ۽ ٻيا به موجود هئا

نوشهروفيروز(ڊر) هاسپيٽل بيسڊ بلڊ بئنڪ نوشهروفيروز پاران نوشهروفيروز انسٽيٽيوٽ آف نرسنگ ۾ سالانه بلڊ ڪئمپ لڳائي ويئي جنهن ۾ صحتمند نوجوانن رت جو عطيو ڏيئي خوشيء جو اظهار ڪيو ان موقعي تي نرسنگ ڪاليج جي سربراهه اتنظار حسين مري، ربنواز مري،علي اڪبر ناريجو، سماجي اڳواڻ اعجاز ممنائي، زويه لاڙڪ ۽ ٻين چيو ته ڪئمپ تي نوجوانن جو ھُجوم ڏسي اُھو ثابت ٿي رهيو آهي ته اسانجي نوجوانن ۾ انسانيت جو جذبو موجود آهي ڇوته خداوند ڪريم پاڻ فرمايو آهي ته جنهن هڪ انسان کي بچايو ان پوري انسانيت کي بچايو اڳواڻن چيو ته هيء رت جو عطيو سول اسپتال ۾ ايندڙ ٿيليسما ڊائلاسز ۽ ايمرجنسيء ۾ ايندڙ مريضن لاء آهي ۔اڳواڻن چيو ته نرسنگ انسٽيٽيوٽ جي استادن توڙي شاگردن جي انساني جذبي کي داد ڏيون ٿا جن رت جو عطيو ڏيئي انسانيت جي خدمت ۾ ڀرپور بهرو ورتو۔ آخر ۾ ڪئمپ جي ڪاميابيء تي انسٽيٽيوٽ انتظاميه جو شڪريو ادا ڪيو ويو ۽ يادگار سرٽيفڪيٽ پڻ ڏنا ويا۔